Олон нийтийн цахим сүлжээ болох фэйсбүүк, твиттер хуудсаар хүүхэд алга болсон гэх мэдээллүүд ихээр цацагддаг. Тэгвэл энэ сарын 16-ны өдөр буюу өнгөрсөн бямба гарагт Сонгинохайрхан дүүргийн 119-р цэцэрлэг орчмоос 13:00 цагийн үед гурван настай Мягмарсүрэнгийн Уянга хэмээх охин алга болсон мэдээлэл цахим хуудсаар цацагдсан юм. Алга болсон охины ээж өөрийн фэйсбүүкээр тусламж хүсэн, охины зургийг таних тэмдэг болоод холбоо барих дугаараа үлдээсэн нь тус болж охиноо олсон байна.

Олон хүмүүс өөрийн цахим хуудаснаа хүүхэд алга болсон гэсэн мэдээллийг шейрлэсэн нь охиныг олоход их тус болсон гэнэ. Тодруулбал нэгэн залуу зарыг харж охины ээжтэй холбогдон өчигдөр хүүхдийг ээжтэй нь уулзуулсан байна. Охиныг олсон залуугийн ээж нь сэтгэцийн өөрчлөлтэй настай хүн байдаг бөгөөд охиныг дагуулан гэртээ авчирсан байжээ.

Эх сурвалж: Шуурхай.мн