Төрийн эрхийг барьж буй УИХ-ын гишүүд нэр дэвшиж гарч ирэхдээ мөргөж сөгдөх нь холгүй иргэдээ гуйдаг. Харин сонгогдож гарч ирсэнийхээ дараа ёстой л үнэн төрхөө харуулдаг нь нууц бишээ. УИХ-ын чуулганд гишүүд ажлаа хийхгүй тасалж ирц нь бүрдэхгүй хурлыг хойшлуулах тохиолдол нэлээдгүй гарч байна. Уг нь ард иргэдийнхээ төлөө, эх орныхоо төлөө гэж тэднийг сонгосон атал эрхэм гишүүд үнэн худал нь мэдэгдэхгүй хувь, хувьсгалийн ажлаа хольж хутгаад явах шиг.

Чуулганы хуралдаанд гишүүд ирцээ бүртгуулчихээд сэм гараад явчихана. Хууль батлах болоход харваас хоосон танхимд гишүүдийн 50 хувийн ирцээр баталж орхидог. Энэ нь иргэдэд таалагдахгүй өнгөрөх нь ойлгомжтой. Тэгвэл энэхүү асуудлыг нэг тийш нь шийдэхээр Ж.Батзандан гишүүн хуулийн төсөл боловсруулж байгаа. Тэрээр Ж.Батзандан ирцийн асуудлыг цэгцлэхийн тулд хуулийн төсөл боловсруулж ирэх хаврын чуулганаар өргөн барих юм байх. Харин түүний энэхүү санаачилсан ажлыг УИХ-ын гишүүн М.Зоригт үгүйсгэж өөрийн бодлоо илэрхийлээ. Тэрээр “УИХ дээр иймэрхүү төсөл явдаггүй. Яагаад гэвэл, үнэхээр ажлаа хийхгүй байгаа УИХ-ын гишүүн байлаа гэхэд түүнийг эргүүлэн татах нь зөв юм шиг харагдана. Хамгийн гол нь улс төрийн тогтвортой байдал чухал. Ж.Батзандангийн ярьж байгаа төсөл олондоо хүрэх байх. Амьдралд батлагдаад явна гэдэгт итгэхгүй байх. Цагийн гарз” хэмээсэн байх юм.

Эх сурвалж: Шуурхай.мн