“Тагнуулч аав” инээдмийн уран сайхны кинонд аавтайгаа хамт тоглосон МУГЖ Д.Хүрэлхүүгийн охин Х.Намуун мэргэжлийн жүжигчин биш. Гэсэн хэдий ч, аавынхаа жүжиглэх авьяасыг өвлөж авсан царайлаг бүсгүй маань загварын дамжаанд суралцан, кинонд тоглох саналаас огтхон ч татгалзаагүй гэдэг. Хошин урлагийн тайзнаа өөрийн гэсэн өнгө төрхийг илэрхийлж яваа гавьяат жүжигчин Д.Хүрэлхүү ч охиноо урлагт зүтгэхэд нь дэмждэг.

Аавтайгаа тун ч адилхан Х.Намуун энэхүү кинонд тоглож байхдаа “Mixx” хамтлагийн дуучин А.Гүнчин-Иштэй үерхэх болсон. Тэгвэл хосууд тун удахгүй хуримаа хийх гэнэ. Учир нь хосууд саяхан нэгэн нэвтрүүлэгт оролцох үеэрээ гэрлэх цаг хугацаа болсон хэмээн тодотгоод авна лээ. Түүгээр ч зогсохгүй тэдний хайр дурлал олон шалгуурыг давж, өдгөө илүү бат бэх болсон гэнэ. Ямартай ч удахгүй МУГЖ Д.Хүрэлхүү охиныхоо хуримиын бэлтгэл гээд завгүй явах бололтой.

Эх сурвалж: Шуурхай.мн