Дөрвөн жилд нэг удаа болдог Олимпийн дараа тамирчид, дасгалжуулагчид буурь сэлгэж, их өмнгө амласан нутаг руу нүүдэг нь нууц биш. Монголын нэртэй тамирчид, дасгалжуулагч нар ч гэсэн хилийн дээс алхан гадаадад ажиллаж, зарим нь бүр тухайн улсынхаа иргэн болсон удаатай. Монгол Улсын Гавьяат тамирчин, Олимпийн хошой хүрэл медальт Д.Мөнхбаяр Германы иргэн болж, Арслан” клубын дасгалжуулагч Б.Бат­тулга урилгаар Тайванд улсын шигшээ багийн Зөвлөх дасгалжуулагчаар ажиллахаар хилийн дээс алхаж, олон тамирчид харь орны нэр дээр бэотгэл сургуулилт хийж байгаа. Тэгвэл саяхан монголчуудын бахархал болсон Олимпийн хойшой медальт, Хөдөлмөрийн баатар Найдангийн Түвшинбаярт ОХУ-аас томоохон санал тавиад байна. ОХУ-ын “Төмөр зам” хувь нийлүүлсэн нийгэмлэгийн харьяа “Локомотив” гэж томоохон клуб бий. Тус клубын төлөөлөгч Монголд ирж олимпийн алт, мөнгөн медальт Олимпийн аварга Н.Түвшинбаярыг маань өөрийн клубтээ дасгалжуулагчаар урьжээ. Орос ах нар Н.Түвшинбаярт сарын 1.5 сая рублийн цалин, тансаг хаус, тусгай хангамж амлаж,  дасгалжуулагчаар ажиллахыг урьсан гэнэ. Тэр ч байтугай хүүхдүүдийг нь тусгай сургуульд сургаж,  зардал мөнгийг нь өөрсдөө даах боломжтой гэдгээ ч мэдэгджээ.  Тэдний хувьд ядуу даржин Монголын тамирчдыг өөртөө элсүүлэх боломжтой гэж тооцоолсон бололтой. Гэвч Н.Түвшинбаяр аварга тэдэнд татгалзсан хариу өгөөд байна. Сарын 1,5 сая рубль гэдэг монгол мөнгөөр зургаан сая гаруй төгрөг. Ийм хэмжээний  мөнгөөр Монголын тамирчидыг тэд худалдаж авна гэж бодож байгаа бөгөөд Н.Түвшинбаяр аваргаас гадна хэд хэдэн дасгалжуулагч нартай уулзаж ярилсан гэнэ. Спортоор дэлхийд тэргүүлдэг ОХУ улс өнгөрсөн Лондонгийн Олимпод дөрвдүгээр байр эзэлсэн бөгөөд нийт 82 медаль авсны 24 нь алт, 26 нь мөнгө, 32 нь хүрэл медалиуд байсан юм. Гэвч Бээжингийн Олимптай харьцуулахад медалийн чанар буурсан нь тэдний сэтгэлийг багагүй зовоож, ирэх Олимпод одооноос бэлтгэж, спорт клубууд нь гаднаас дасгалжуулагчид урих ажилд гараад байгаа аж.

Эх сурвалж: Shudarga.mn