Их Британийн  дуучин Адель жирэмсэн болсон тухайгаа өөрийн цахим хуудастаа бичиж шуугиан тарьж байсан цаг саяхан. Түүний нөхөр Саймон Конеки 36 настай бөгөөд тэрбээр таван настай охинтой. Өдгөө ээж болоод удаагүй байгаа залуу дуучин маань түр хугацаагаар уран бүтээлээ завсарлаад байгаа.

“Forbes” сэтгүүлээс тодруулдаг 30-аас доош насны дэлхийн хамгийн өндөр хөлстэй алдартнуудын жагсаалтын шилдэг аравт багтсан. Түүний амжилт бүтээл 2011 оны байдлаар 35 сая ам. долларын ашиг олж чаджээ.  Энэхүү жагсаалтыг алдартнуудын цомог, концерт, кино болон зар сурталчилгаанаас олсон орлогыг нь үндэслэн тодруулдаг юм. Дуучин Аделийн “21” цомог нь 17 сая гаруй хувь борлогдож, дэлхийн хамгийн их борлуулалттай цомгоор шалгарсан билээ. Энэхүү цомог нь зөвхөн Их Британид л гэхэд дөрвөн сая хувь борлогдсон байна. Ийн алдар нэрээ цуурайтуулж, залуу насандаа баячуудын эгнээнд элссэн дуучин Аделийн талаар таагүй мэдээлэл цацагдах болсонбайна. Тэрээр анх этиопийн өлсгөлөнд нэрвэгдсэн хүмүүст туслахаар 1984 онд байгуулагдаж байсан “Band aid 30” буяны төслийн цомгийн бичлэгт оролцохоос татгалзсан гэнэ. Төслийн удирдагч, дуучин Боб Гелдоф Аделийг бичлэгт оролцохыг хүссэн ч тэрээр үл тоомсорлосон гэжээ.

Эх сурвалж: Шуурхай.мн