АНУ-ын Тэнгисийн цэргийн хүчний тусгай ангийн дайчин Роберт О’Нил Их Британийн “Daily Mail” сонинд өгсөн ярилцлагадаа “Аль-Кайда” бүлгийн толгойлогч Осама бен Ладенийг 2011 онд хөнөөснөө хэлсэн байна.

Түүний ярилцлагыг АНУ-ын “Fox” телевизээр энэ сард багтаан үзүүлэх гэнэ. Өдгөө 38 настай Роберт 0’Нил өөрийгөө илчлэх болсон шалтгаан нь түүнийг тусгай албанаас яаралтай халах шийдвэр гаргасан тул онцгой эрхийг нь хассанаас үүджээ.

Тэрбээр тусгай албанд 20 жил алба хаах байсан ч 16 жилийн дараа халагдаж байгаа аж. Алба хаах хугацаандаа Роберт 0’Нил Ирак, Афганистан зэрэг улсад 400 орчим цэргийн ажиллагаанд оролцжээ. Террорист бүлгийн толгойлогчийг устгасны дараа дайчинд тусгай шагнал олгосон байна.