ЦЕГ-ын даргын зөвлөл хуралдаж, цагдаагийн зарим даргыг ажлаас нь халах, чөлөөлөх болон шилжүүлэн томилох шийдвэр гаргажээ. Тухайлбал, Сүхбаатар аймгийн Цагдаагийн хэлтсийн дарга, хурандаа Б.Цэргийнхүүг ЦЕГ-ын эрх бүхий албан тушаалтнууд авлигын эсрэг долоо, 33 дугаар зүйлийг зөрчсөн болохыг АТГ-аас тогтоосон учир ажлаас нь халсан байна. Мөн Баянгол дүүргийн ЦагдаагийнII хэлтсийн дарга, хурандаа Ш.Доржпалам, Дорноговь аймгийн Цагдаагийн газрын дарга, хурандаа Л.Нямжав, Замын-Үүдийн цагдаагийн хэлтсийн дарга, хурандаа И.Батчулуун нарыг ажлаас нь чөлөөлөхөөр болсон аж. Ийн Дорноговь аймгийн Цагдаагийн газрын даргаар Зохион байгуулалттай гэмт хэрэгтэй тэмцэх газрын хэлтсийн дарга, хурандаа Д.Манлайбаатарыг, Замын-Үүдийн Цагдаагийн хэлтсийн даргаар ЦЕГ-ын Гэмт хэрэгтэй тэмцэх газрын ахлах мэргэжилтэн, дэд хурандаа Б.Ганзоригийг томилжээ. Хурандаа Б.Цэргийнхүү, Ш.Доржпалам нарын оронд одоогоор хэн нэгнийг томилоогүй байгаа аж.