УИХ-ын Төсвийн байнгын хорооны хуралдаан завсарлалаа. Хуралдаанаар ирэх оны Төсвийн хүрээний мэдэгдэл, төсвийн төсөөллийн тухай хуульд өөрчлөлт оруулах тухай хуулийн төслийн эцсийн хэлэлцүүлгийг хийсэн юм. Энэ үеэр 2008 оны сонгуулийн амлалтын 1.5 сая төгрөгийн бэлэн бусаар олгох нэг сая төгрөгийг иргэдэд хувьцаа хэлбэрээр олгохоор боллоо. Хэрэв тухайн иргэн хүсвэл Тавантолгойн хувьцааны нэрлэсэн үнэ буюу 1000 төгрөгөөр тооцож, иргэдэд төрөөс нэг сая төгрөг олгоно гэлээ. Амлалтын нэг сая төгрөгийг бэлнээр 400 мянган иргэнд олгохоор болсон байна. Хуралдааны төгсгөлд Төрийн болон орон нутгийн өмчийн хөрөнгөөр бараа, ажил, үйлчилгээ хуадлдан авах тухай хуульд нэмэлт, өөрчлөлт оруулах тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгээр нь батлахаар боллоо.Хэлэлцэгдэж буй асуудлуудын хүрээнд ирэх оны аравдугаар сард Засгийн газрын хэрэгжүүлэгч агентлаг тендер шалгаруулах агентлагийг байгуулах санал гарч, хуралд оролцсон гишүүдийн дэмжлэг авсан юм.

Б.Тогтох