УБТЗ ХНН-ийн зүгээс нэр бүхий гурван аж ахуй эрхлэгчдэд өөрийн зорчигч тээврийн үйлчилгээний тасалбарыг 10 хувийн нэмэгдэлтэйгээр борлуулах эрхийг өгч улмаар тухайн этгээдүүд нь хэрэглэгчдэд уг нэмэгдэлтэй үнээр тасалбарыг борлуулж хэрэглэгчдийг хохироожээ.
Үнэ нэмж тасалбар борлуулж буй асуудлыг ШӨХТГ-аас судлан шалгахад УБТЗ ХНН нь төмөр замын зорчигч тээврийн үйлчилгээний тасалбарыг ШӨХТГ-аас хянан зөвшөөрсөн үнэ тарифын дагуу өөрийн билетийн кассаар худалдаалдаг бөгөөд Рэйл тикет ХХК, Тэнгэр Трэйвел ХХК, Нийслэл хүү ХХК-иудад ШӨХТГ-аас хянан зөвшөөрсөн үнэ тарифыг 10 хувиар өсгөн борлуулах эрхийг олгосон байжээ. УБТЗ ХНН нь дээрх байдлаар ШӨТХГ-ын зөвшөөрөлгүй өөрийн зорчигч тээврийн үйлчилгээний үнэ тарифыг 10 хувиар нэмэн зорчигчдод борлуулахаар бие дааж шийдвэр гаргасан нь Өрсөлдөөний тухай хуулийн 6 дугаар зүйлийн 6.1 дэх хэсэгт заасныг буюу үндэслэлгүйгээр зорчигч тээврийн тасалбарыг нэмсэн болох нь тогтоогджээ.
Тиймээс Улаанбаатар төмөр зам ХНН-т уг зөрлчийг арилгахыг шаардсанаар, хэрэглэгчид тогтоосон үнийг дагуу үйлчлүүлдэг болжээ.