Aрхангайн Тариат болон Цахир сумдад уржигдар шөнө анхны цас оржээ. Зуны сүүлчийн сарын эхэнд ийн цас орсонд олон хүмүүс гайхаж байгаа юм. Энэ байгалийн үзэгдлийн талаар албаны хүн хэлэхдээ “Сүүлийн жилүүдэд  манай оронд энэ мэтээр зуны адаг сард цас орж, цаг агаар эрс өөрчлөгдөх болсон нь Сибирээс ирсэн хүйтэн агаарын урсгалаас үүдэлтэй. Өвөл, хавар, намар, зуны улирал өөрийн гэсэн онцлогтой, байгалийн үзэгдэл нь ч өөр байдаг. Гэтэл цаг агаарын дулаарлаас үүдэн өвөл нь бороо орж, халуун зунаар цас хаялж, жилийн дөрвөн улиралд шороон шуургатай байх тохиодол сүүлийн үед эрс нэмэгдэж байгаа” хэмээсэн юм.

Мөн маргааш ихэнх нутгаар дулаарах ч, наймдугаар сарын дунд болон сүүлчээр цаг уур сэрүүсэх төлөвтэйг албаныхан анхааруулж байна.

Эх сурвалж: Шуурхай.мн