Дуучин Т.Баясгалан саяхан Оюуны өмчийн газар дуудагдаж, багагүй мөнгө төлсөн сурагтай. Тэрээр урлагийн салбарт өөрийн гэсэн орон зайг бий болгосон АКУЛ гурван эмэгтэйн дуулдаг “Хан шувуу” дууг өөрийн болгон дуулсан нь ийнхүү бусдад байцаагдахад хүргэсэн аж. Тодруулбал, хөгжмийн зохиолч М.Булганы ая, яруу найрагч Ч.Оюунчимэгийн үг “Хан шувуу” гэх дууг дур мэдэн аваад дуулчихжээ.

Гэтэл хөгжмийн зохиолч М.Булган “Хүний өмчийг дураараа ашигласан” хэмээн зарга үүсгэсэн учраас нэг хэсэгтээ дууны ая зохиогчийн холбоогоор эргэлдэх ажилтай болсон гэдэг. Олны нүднээс далд хэл үг багатай амьдрахыг илүүд үзэх болсон дуучин бүсгүй оюуны өмчтэй холбоотой маргааныг газар авахуулалгүй бага дээр нь дарсан гэнэ. Мөн ая зохиогч М.Булганд зохих хөлсийг нь төлсөн байна. Харин энэ талаар хэл үг гаргаагүй яруу найрагчид нэг ч төгрөг ногдоогүй гэнэ.