Казакстаны Алма-Ата хотноо дэлхийн цэргийн албан хаагчдын аварга шалгаруулах боксын тэмцээний финалын тоглолтууд үргэлжилж байна.
Тус тэмцээнд Н.Төгсцогт 56 кг-д Лондонгийн олимпийн мөнгө, дэлхийн аваргын мөнгө Н.Төгсцогт, 64 кг-д ОУХМ Б.Чинзориг медалийн болзол хангасан талаар мэдээлсэн. Тэгвэл өчигдрийн тоглолтод Н.Төгсцогт медалийн өнгөө хувиргахаар Алжирийн Фахем Хаммачитай тоглож ялагдсан байна.
Харин 64 кг-д ОУХМ Б.Чинзориг Маррокогийн Аблехак Аатакнийтай тулалдаж илт давуу ялсан юм.  Б.Чинзоригийн хувьд эхний даваанд 2011 оны дэлхийн аварга, 2013 оны тэмцээний хүрэл медальт Бразилийн шилдэг боксчин Эвертон Лопесийг 2:1-ээр хожиж шуугиан дэгдээсэн бол ийнхүү аваргын төлөө тоглохоор үлдэв. Түүний өнөөдрийн өрсөлдөгч нь 2013 оны дэлхийн аваргын мөнгөн медальт Тунисын ширэн бээлийтэн юм байна.

Шуурхай.мн