Өчигдөр орой УДЭТ-т драмын урлагийн шилдгүүдийг тодруулах “ГЭГЭЭН МУЗА-11” наадам болж өнгөрсөн билээ. Хоёр дахь жилдээ олон улсын хэмжээнд зохиогдож буй уг наадамд энэ жил хамгийн олон буюу 21 бүтээл өрсөлдсөн юм. Энэхүү бүтээлүүдээс “Х-түц” продакшны “Сэрүүн хасын нууц” жүжиг “Гэгээн муза-11” наадмаас олон шагнал хүртэж, тус наадмын гол эзэд болно хэмээн найдаж байсан хүмүүс цөөнгүй байсан. Тэр дундаа Жиганы дүрээр анх удаа “Гэгээн Муза”-д нэр дэвшсэн жүжигчин Т.Бархүү ч өөрийгөө “Шилдэг эрэгтэй гол дүр”-ийн шагналыг хүртэнэ гэдэгтээ итгэл дүүрэн байсан бололтой. Харамсалтай нь “Х-түц” продакшны жүжигчин Т.Бархүү “Гэгээн муза” авч чадаагүйдээ “гоморхсон” бололтой. Тэрээр өөрийн цахим хуудаснаа ихэд сэтгэл дундуур, сэтгэлээ аргадангүй ийн бичжээ.

“За за Гэгээн Муза-д орлоо. Харамсалтай байлаа. Бидний жүжгийг дэмжиж ирсэн бүх үзэгчиддээ баярлалаа. Бид шүүгчдэд биш үзэгчиддээ зориулж уран бүтээлээ туурвидаг гэдгийг л хэлмээр байна. Бидэнтэй цуг сэтгэл нь догдолж байсан тэр бүх хүмүүсд баярлалаа. Гэсэн ч бид 3-н шагналыг нь авсандаа” хэмээв.

Эх сурвалж: Шуурхай.мн