Төрийн ажилд хоёргүй сэтгэлээр зүтгэдэг, ард түмний төлөө ажиллаж, иргэдийг хохироосон шулсан нөхдүүдийг хатуухан торгодог гэж ард түмэн сайн үнэлэлт өгдөг ШӨХТГ-ын дарга О.Магнай, төрийн мөнгөөр тансагласан гэх хэрэгт холбогдсон сурагтай. Ард түмний итгэлт эрхэм О.Магнайд, ерөнхий сайд Н.Алтанхуяг гурван сарын хугацаанд цалингийн 20 хувиар торгох захирамж гаргаж хатуурхав. Тэрээр түүнийг төрийн албан хаагчийн нийтлэг үүргээ биелүүлээгүй, Засгийн газрын агентлагийн эрх зүйн байдлын тухай хуулийн 15.2-ийг удаа дараа зөрчсөн гэх үндэслэлээр  шийтгэсэн гэнэ.
Тодруулбал “Агентлагийн даргыг гадаад улсын ижил төрлийн байгууллага, олон улсын болон бусад байгууллагад туршлага судлах, мэргэжлийн сургалтад явах, хурал, зөвлөлгөөнд оролцохыг Монгол Улсын сайд шийдвэрлэнэ” гэж заасан байдаг юм гэнэ. Гэтэл О.Магнай дарга Ерөнхий сайдаас зөвшөөрөл авалгүй том толгой гаргасан, энэхүү алдааг хэд хэдэн удаа давтсан учраас ийн “хувьдуулж” Н.Алтанхуягийн төмөр нүүрийг үзсэн гэнэ.

Эх сурвалж: Шуурхай.мн