МАН-аас болж “Давхар дээл” тайлах хууль батлагдсангүй

Монгол Улсын Ерөн­хийлөгч Засгийн газрын тухай хуульд нэмэлт өөрч­­лөлт оруулах тухай хуу­лийн төсөл УИХ-д өргөн барьсан. Түү­нээс биш хэн нэгний “Давхар дээл” тайлах тухай хууль бариагүй. Засгийн газрын тухай хуульд нэмэлт өөрчлөлт оруулах тухай төсөл өргөн ба­ригдангуут МАН-ын ги­шүүд “Давхар дээл”-ийг 2014 оноос эхлэн тайлуулна хэмээн авч давхисан.
Цаг хугацааны хувьд 2016 оны долоодугаар сар буюу дараагийн пар­ла­ментаас эхлэн хэрэг­жүү­лэх нь зүйтэй гэдгийг захын иргэн ч хэлж байв.

Гэтэл МАН-ын зүгээс 2014 онд багтаан хууль хэрэгжүүлнэ гэж дайрсан. “Төрөөгүй хүүхдэд төмөр өлгий” гэдэг шиг МАНАН байгуулах гэж дэндүү яар­сан хэрэг.

Сонгуулийн дараахан гадагшаа явсан МАН-ын У.Хүрэлсүх тэргүүтэй нөхөд сэм ирчихсэн албан тушаалын хуваарилалтад багтах гээд байгаа сураг ч дуулдсан. Өөрсдөө давхар дээл, хантааз, дах хүртэл нөмөрч явсан МАН-ынхан Засгийн газрын тухай хуульд өөрч­лөлт орохоор яриа хэ­лэлцээрт орно гэж гүн бат итгэсэн бололтой.

Гэвч тэдний санаснаар болсонгүй. Хамгийн ха­рам­салтай нь Засгийн газ­­­рын тухай хуульд өөрч­­­­лөлт оруулах хууль батлагдсангүй. МАН-ын ги­­шүүд дундуур нь сам­раа­гүй бол батлагдах бо­ломж­той байсан. Яагаад баталсангүй вэ гэвэл УИХ-ын гишүүдийн дийлэнх нь Засгийн газрыг тогтвортой ажиллуулахыг хүсч байгаа хэрэг. Ийм хүсэл сонирхол нийт иргэдэд байсан юм билээ. Тэдний хандлагыг мэ­дээллийн хэрэгслүүдээс ч харж болохоор байлаа.

Гаднаас нь харахад АН-ын гишүүд фракци, бүлэглэлд хуваагдан тал тал тийшээгээ харсан мэт байвч улс орны тогтвортой байдлын асуудалд нэгдэж чаддагаа харуулав.

Засгийн газрын тогт­вортой байдлын төлөө жи­­рийн гишүүд нь захиа занаа илгээн эвийн хүчийг зангидаж чадсан болов уу. Энэ хаврын улстөр дэх үймээн, бужигнаан МАН-ын гишүүд “Давхар дээл”-ийн хуулийн төслийг унагааснаар ийнхүү өндөр­лөж буй бололтой.

Т.Эрдэнэ

Эх сурвалж: