Чөлөөт сэтгүүлч н.Анхбилэг Увс аймгийн засаг дарга Д.Цэндсүрэнд зориулж, нэгэн шүлэг тэрэлжээ. Шүлгээ өрийн фэйсбүүк хуудаснаа нийтэлсэн байна. Тэрээр Увс аймгийн MBC телевизэд ажиллаж байжээ.

Засаг дарга тандаа
Зануулан байж захидал бичлээ
“Зах”-тайгаа хэрэлдсээр
Завгүй хоёр жилийг өнгөрөөлөө
Завдсан ч ажил хийх хугацаа
За бараг л үлдсэнгүй дээ, танд
Хуучин бүхнийг шүүмжилж
Хуйгаар нь өөрчилнө гэж байсан ч
Нэг зөвлөхийг хоёр болгож
Нэжгээд орон тоо нэмсэнийг эс тооцвол
Үүдэн дэхь хүүхнээ “сайжруулснаас” өөр
“Үүр цайлгаж” гавьсангүй дээ, та минь
Төрийн албан хаагчдийн архийг хязгаарлавч
Төрсөн биеэрээ үдэшлэг дээр согтуу заларч
Шинэ жилээр олон байгууллагын охидуудаас
Шилж бүжиглэснээс өөр дээрдсэнгүй дээ, дарга минь
Авилгал бууруулна гэвч
Албан тасалгаагаа засаж
Ардчилалын компаниудыг дэмжиж
Нямаад зах барьж өгсөнөөс өөр
Нэмээд их зүйл хийсэнгүй дээ, Засаг минь
Сонин юм хэлэхэд
Сонгож зарим төрийн байгууллагаар ороход
Сонгуулийн штаб тань ажиллаад байна уу гэлтэй
Улс төрийн ажилчдаа
Улайм цайм чихлээ дээ, яахав
Уралдаж баталсан Увс хүн хөтөлбөрөө
Урж хаях нь холгүй мууллаа
Гар өргөж байснаа мартаад
Гавихгүй худлаа жүжиг тавьлаа.
Шал өөр цагийн “масктай” зургаа үзүүлээд
Шальчиганаж өглөөдөө, харин ч
Ардын дунд ажилласанаас илүү
“Наяд”-ын гадна машин тань зогсож үзэгдэх
Хэзээ ч буухгүй юм шиг нөхдийн чинь
Гүзээ нь томорч мэдэгдэх
Хийсэн ажлын сайныг ярихаас
Хэрэгжсэн үр дүнгийн мууг харахгүй
Шүүмжилсэн хүнийг
Шүүр унасан шулам гэх нь холгүй харааж
Өөрийн зөв мэт
Төрийн дээр мэт энэ зангаа
Өвлөж хэнээс аваа вэ?
Та улсын төлөө
Бусад нь улс төрждөг гэсэн
Бусармаг гүтгэлэгээ
Булааж бас хэнээс дээрэмдээ вэ?
Хурлын төлөөлөгчид чинь
Гадны гийчдийн өмнө
Гар зөрүүлдэг
Өрөөндөө мөрийтэй тоглоом тоглодог
Хуралдаа согтуу ирдэг
Хууль зөрчдөг
Таны тогтоох гэж хүссэн
Шударга ёс
Шулуун шугам чинь энэ биш байлтай
Ард түмэн сохор биш
Алдаа дутагдалаа засахгүй бол
Ахиад та нарыг сонгохгүй дээ
Арван зургаан он ч ойрхон байна даа…..Засаг дарга минь….

Н.Батаа