МУГЖ Т.Баясгалан уран бүтээл гэхээсээ илүүтэй бизнесийн ажилдаа илүү анхаарах болжээ. Тэрбээр БНСУ-аас элэгний эм оруулж ирэн бизнес хийхээр төлөвлөж элэгний эмч Ж.Хатанбаатарт хүч хавсрах санал тавьсан гэнэ. Хүр хорхойн шүлснээс гаргаж авсан уураг бүхий эм нь  элэгний В, С вирусийг “устгаж чаддаг” гэх. Энэ эмийн ид шидийг Т.Баясгалангийн ээж мэдэрсэн аж.
Дуучин бүсгүй “Баясгалантай дэлхий” нэртэй хувийн эмнэлэгтэйг мэдэхгүй хүн үгүй. Тэгвэл эрүүл мэндийн салбар дахь бизнесийн  үйл ажиллагаагаа өргөжүүлж ийн эмийн худалдаа эрхэлхээр шийдсэн бололтой. Тэрбээр ээжийгээ Солонгост эмчлүүлэхдээ дээрх эмийг хэсэг хугацаанд хэрэглүүлээд үр дүнг мэдсэн хэмээн ойрын хүндээ ярьжээ.   Улмаар Монголд энэ эмийг импортолж бизнес хийх санаагаа сэдсэн аж.
Дуучин бүсгүй шинэ бизнесээ эхлэхийн өмнө Ж.Хатанбаатар эмчээс зөвлөгөө авч  мэргэшсэн эмч нарт сургалт зохион байгуулахаар төлөвлөж байгаа мэдээлэл ч байна. Эмийг шууд худалдаанд гаргахаасаа илүүтэй эмч нарын эрх мэдлийг ашиглан борлуулах мэргэн санаагаа ч олсон бололтой.