Сайхан хүүхнүүдийн талаарх янз бүрийн мэдээлэл хаа сайгүй л хөвөрнө. Залуу дуучдаас дуучин Ч.Ану жинхэнэ утгаараа өдөр өдрөөр өнгө орж, өнгөжин жавхаажиж буй. Харин загвар өмсөгчдөөс “Мөнхийн залуу” тодотголтой Э.Одгэрэл жилээс жилд өнгө ороод эрчүүдийн харцанд тунаад байдаг юм.

Өмссөн зүүсэн, хэрэглэсэн гэдгээрээ ижилсдэг бүсгүйчүүдийг эрчүүд “ хуурай эгч дүүс” гэх нь ч бий. Олон зүйлсээрээ адилтгагддаг бүсгүйчүүдийг эрчүүд янаг дуу хоолойгоорооч адилхан хэмээн онцлох нь бас байдаг. Урлагийн хүрээндээ “хуурай эгч дүүс” гэж хэлэгдэх болсон хоёр бүсгүй янз янзын юмаар ижилсэж хоёул хоёулаа зэрэг шахуу биедээ “алтан утас” суулгуулж мөддөө хөгшрөхгүйгээр шийдсэн гэдэг.

Тэдний биедээ суулгуулсан “алтан утас” нь зарим нэгнийхийг бодвол жинхэнэ “ориг” эд гэнэ. Хуурамч эд хэрэглэх дургүй хоёр бүсгүй маань биедээ дор хаяж 12-15 мянган ам долларыг нэг дор зарцуулсан байна. Түүнчлэн нэгэн удаа дуучин Ч.Ану буюу Уранхолбоо нэгэн өдөр тутмын сонинд өгсөн ярилцлагадаа энэ тухай тодорхой ярьчихсан хир нь “алтан утас”-ны асуудлаа өөрөө ам нээж задалчихаад нэгэн телевизийг мэдээлэл цацлаа хэмээн хуурай хардаж, дайн зарласан сураг гарсан билээ.

Тэгэхээр алтан утасны асуудлаас болж уурлах дургүй бүсгүй жигтэйхэн их хилэгнэж баахан нервтсэн гэх юм билээ.