Соёл спорт аялал жуулчлалын яам болон  A-Capella интертаймент хамтран зохион байгуулж буй “Амжилтын эзэд” телевизийн шоу нэвтрүүлэгт  мэргэжлийн сумогийн 68 дахь их аварга Д.Дагвадорж оролцож байгаа билээ. Энэхүү шоунд Д.Дагвадорж үндэсний сур харваа, усан сэлэлт, гүйлт, туялзуур сэлэм, буудлага, шагай харвах зэрэг 12 төрлөөр оролцохоор болсон бөгөөд шоунд урлаг спортын олон алдартнууд оролцож буй.

Тэгвэл оддын шоуны сур харвааны бэлтгэлийн үеэр Их аварга Д.Дагвадорж, жүжигчин Н.Ялалт нар мөрий тавьцгаажээ. Тэрээр сур харваагаар хэн ялагдсан нь өрсөлдөгчөө үүрэхээр болсон гэнэ. Харин сур харвахдаа чамгүй сайн их аварга мөрийгөө авснаар Н.Ялалтаар үүрүүлээд авчээ. 100 кг хол давсан их аваргыг жүжигчин залуу 20 гаруй метр газар үүрч гүйсэн нь оролцогчидыг ихээхэн хөгжөөгөөд авсан байна.

Эх сурвалж: Шуурхай.мн