УИХ-ын гишүүн Х.Тэмүүжиний сонгогчид хэвлэлд хандаж эхлээд байна.

Түүнийг 76 дотор арай хуулийн мэдлэгээр дээгүүрт ордог иргэний нийгэм, шударга ёс, хүний эрхийг хамгаалах асуудлыг байнга дээгүүрт тавьж ирсэн гэж ойлгодог.  Гэвч андуурсан бололтой. Х.Тэмүүжин тойргийнхондоо зориулж Баянгол дүүргийн “Эрдмийн өргөө” цогцолбор сургуулийн хөл бөмбөгийн талбайг тохижуулж өгчээ. Харин уг талбайд хүүхдүүд тоглох эрхгүй гэнэ. Учир нь тус хөлбөмбөгийн талбайд тоглоход цагийн 40 мянган төгрөг төлөх ёстой. Энэ нь зөвхөн мөнгөтэй томчууд л тоглох боломжтой гэсэн үг. Сургуулийн сурагчдад  ийм их мөнгө яаж  байх билээ. Хүүхдүүд  гоё талбайн дэрэгдэх сагсан бөмбөгийн цементэн дээр  тоглоно.  Төлбөргүй учраас тэр. Уг нь эрхэм гишүүн сонгуульд нэр дэвшихдээ тойргийнхондоо зориулж хөлбөмбөгийн талбай байгуулж өгнө хэмээн амласан  юм билээ. Иймээс  талбай байгуулагдах тэр мөчид иргэд  дуртай цагтаа ирж  тоглох юм байх гэж бодсон гэлцдэг. Гэтэл их санасан газар есөн шөнө хоосон хонов гэгчийн үлгэрээр оржээ.  Одоо тус талбайд тоглохын тулд “Эрдмийн өргөө” цогцолборын нягтлантай гэрээ байгуулна. Өдрийн  төлбөр нь 800 мянган төгрөгөөр. Цагийн 40 мянгын хөлсийг өдрийн хугацаагаар нэмээд үзвэл ихээр бодоход 480 төгрөг болмоор. Харин гэрээний нягтлан түүнийг 800 мянга болгож чадаж байгаа юм. Үндсэн төлбөр ч өндөр. Хөрш  сургууль нь хөлбөмбөгийн талбайгаа гадны хүмүүст 30 мянганаар түрээслэдэг гэнэ.  Харин УИХ-ын  гишүүний талбай ийм өндөр үнэтэй байдаг байна. Зорилгоосоо хазайсан  талбайд харцын хүүхэд тоглох боломжгүй  болжээ. Тус сургуулийн сурагчдад зориулсан үнийн тариф ч байхгүй. Нэг ёсондоо УИХ-ын эрхэм гишүүн сургуулийн сурагчдаас хөлбөмбөгийнх талбайг булаагаад авчихжээ.

Хөлбөмбөгийн талбай болон эрхэм гишүүнтэй холбоотой бас нэгэн таагүй мэдээлэл

Хөлбөмбөгийн  талбайд өнгөрсөн зун хүмүүс тоглож байх завсар ийм  нэгэн үйл явдал болжээ.  Тоглогсдыг харж байсан нэгэн  залуу тэнд ирчихсэн байсан  Х.Тэмүүжин гишүүнд хандан эргэж хараад “Энэ талбайн түрээс арай их юм аа. 20 мянга болгодог ч юм уу, арай хямдруулж болохгүй юу” гэж асуужээ. Тэгэхэд нь эрхэм гишүүн дургуйцсэн янзтай “Мөнгөтэй хүмүүс нь л тоглоно биз дээ” гэж гэнэ. Ингэж  хэлэх юм чинээ санаагүй сонгогч тэрхэн зуур эгдүүцэн “Өө, ингэх байсан юм бол Эрдэнэ гишүүнд хэлдэг байж л дээ” гэхэд Х.Тэмүүжин гишүүн уур нь хүрч өнөө залууг нь араас нь барьж аваад “Юу гэнээ, чи” гээд зуурч. Тэгэхэд нь залуу уурсан, яагаад байнаа гээд гараа савсанд гишүүнийг алгадсан мэт хөндлөнгийн хүнд харагдахаар үйлдэл болжээ. Нүд ирмэхийн зуур ийм юм болоход хаанаас гараад ирсэн юм, бүү мэд, буутай хүн үсрэн гарч ирээд тэр залуугийн чамархайд нь буу тулгасан  гэнэ. Нүдэнд дасал биш энэ үйлдлийг харсан иргэд айж гайхах зэрэгцэн яах учраа олохгүй байх зуур өнөөх залууг цагдаагийн хэсэг рүү аваад явжээ. УИХ-ын дархан эрхэнд халдлаа гэж үзсэн бололтой. Асуулт асууж хариулт авах гэсэн залууг 30 минут орчмын дараа сулласан байна. Сулласан хүн нь нийслэлийн Ардчилсан намын хорооны дарга Ш.Түвдэндорж. Тэрбээр “За, миний дүү тэгээд олон хүнд яриад байх хэрэггүй биз дээ, тийм ээ” гээд явжээ. Сонгогчид ийм нэгэн явдал болсныг өдгөө нэхэн сөхөж өөр хоорондоо хэлцэж байгаа юм байна. Жирийн иргэний чамархайд буу тулгаж явдаг бие хамгаалагчтай Х.Тэмүүжин гишүүн судалгааны төвтэй, түүндээ ажилладаг хэдэн хүнийг цалинжуулахаас өөр хөрөнгөгүй гэж  ярьдаг биш билүү. Тэгвэл одоо хамгаалалтад орохоор баяжчихсан хэрэг үү.

24Цагмн