Өнгөрсөн хоёрдугаар сард Таг­нуулын ерөнхий газрын, Сөрөх тагнуулын газ­рын хэлтсийн дарга, ху­рандаа Д.Цогтбаатарыг сэ­жигтнээр татан УМБГ-т шалгаж байна гэж хэсэгтээ л шуугиж байсан.

Харин эл мэдээллийг тус газраас үгүйс­­гэж байсан боловч тухайн үед хууль хя­налтын байгууллага дээрх эрхмийг шал­гаж байгаа нь үнэн гэж хоёр талтай мэдээлэл гарч иргэдийг төөрөгдүүлж байсан юм.

Тэгвэл өнгөрсөн бямба гарагт Улсын мөрдөн байцаах газраас хурандаа Д.Цогт­баатарыг онц хүнд гэмт хэрэгт сэ­жиглэн эрүүгийн хэрэг үүсгэн цагдан хо­рих болсон тухай эх сурвалжууд мэдээлж байна.
Энэ талаар ТЕГ-ын ал­ба­ны эх сур­валжаас тод­руу­лахад “Хурандаа Д.Цогт­баатарыг улсын нууц­тай холбоотой хэргээр шал­гаж байсан нь үнэн.

Гэхдээ уг хэргийг тухайн үед холбогдох газрууд нь шалгаад хэрэгт холбогдолгүй гэдгийг тогтоосны үндсэнд хэргийг нь хэрэгсэхгүй бол­госон. Хамгийн гол нь Д.Цогтбаатар хурандаа өөрийнхөө хүсэлтээр албан тушаалаасаа түдгэлзэж байгаад хэргээ шалгуулж дууссан.

Харин өнөөдөр өөр нэгэн хэрэгт холбогдуулан шалгах болсон гэнэ. Ямартай ч дарга одоогоор ажилдаа ирээгүй байгаа учраас бид тоймтой хариу хэлж мэдэхгүй байна. Тэгээд ч манайд албан ёсоор мэдэгдээгүй байгаа” гэсэн юм.

Албан бус эх сурвалжийн “Д.Цогтбаатарыг хүн амины хэргээр шалгаж байгаа” байх гэсэн мэдээллийг өгөв.

Тэгэхээр зарим эх сурвалжуудын мэдээлснээр түүнийг хүн амины онц ноцтой хэрэгт хоолбогдуулан шалгаж байгаа гэсэн боловч холбогдох хуулийн бай­гууллагынхан эрс үгүйсгэсэн тайлбарыг өгч байсан.

Харин ойрын эх сурвалжууд 2010 онд түүнийг улсын нууц зад­руулсан гэх хэргээр Улсын ерөнхий поркурорны газарт шалгаж байсан. Тухайн үед ажиллаж байсан эрхмүүд Д.Цогтбаатартай холбоотой хэргийг нуун дарагдуулж хэргийг нь хэрэг­сэхгүй болгож байсан. Харин одоо энэ хэргийг сэргээхээр УМБГ-аас хөдөлж эхэлсэн байх хэмээн эх сурвалж өгүүлэв.

Түүнчлэн Д.Цогтбаатарыг таг­нуу­лын албанд ажиллахын зэрэгцээ хувийн бизнестээ ихээхэн анхаарал хандуулдаг байсан гэдгийг олон хүн гэрчилэх юм билээ.

Тодруулбал түүнийг улсын хилээр хууль бусаар алт гаргаж буй гэмт хэргийг илрүүлэхдээ өөрийн танил талаа татан оруулж хууль бус үйлдэл хийж нэлээд хөрөнгөжиж байсан гэх юм билээ.

2005-2006 онд байр хөлслөн амьдарч байсан хурандааг нэг л нартай өдөр гэнэт баяжигч болон Япон хорооллын өндөр үнэтэй тансаг харшид нүүн орсныг тухайн үед хүмүүс төрийн тусгай албан хаагчийн цалингаар ийм өндөр үнэтэй тансаг харш худалдаж авахгүй дээ гэж битүүхэндээ атаархаж байсан гэдэг.

Мөн тэрбээр Гачуурт тосгонд газар авч, хувийн хаус бариулж, өндөр үнэтэй хөл дүүжлэх унааг баруун сол­гойгүй сольж байсан гэсэн юм.

Төрийн алба хаагч нэрийн дор гэнэт баяжиж буй хүмүүсийн хөрөнгө орлогын эх үүсвэрийг хаанаас угшил­тайг нь тухайн үед хэсэг бүлэг хүмүүс тодруулахыг хүссэн юм билээ. Даанч тэдгээр хүмүүсийн гаргасан гомдлыг шалгахыг хүсээгүй гэсэн.

Зарим хүмүүсийн ярьж буйгаар газрын наймаагаар хөлжсөн, хууль бусаар олж авсан эд хөрөнгөө өөрийнхөө нэр дээр биш ойр дотныхоо хүмүүсийн нэр дээр бүртгүүлдэг гэдгийг эх сурвалжууд мэдээлж байсан. Түүнчлэн цуг ажиллагсад нь түү­­нийг өөрийг нь шалгасан албан ту­шаалтныг шантаачилж хааш нь ч гаргахгүй хэцүү байдалд оруулдаг гэж ярьж байсан. Тэд хэлэхдээ “Бид хэрвээ нэр усаа хэлэх юм бол хурандаагийн урт саварт өртөх болно.

Ямар ч байсан шалгуулахаар болсон юм байна лээ. Тиймээс өөр олон зүйл яриад хэрэггүй байх. Тэгээд ч маргааш гэхэд л инээгээд гарч ирж мэдэх хүн шүү” гэж байв. түүнтэй холбоотой мэдээллийг олон хүнээс авах гэсэн боловч “үгүй” гэх хариултыг өгч байсан. Ямартай ч цагдан хоригдсон гэх дуулиан тариад буй Д.Цогтбаатартай холбоотой мэдээллийг эрэн сурвал­жилж хүргэх болно.

Үргэлжлэл бий…

Р.Саруул

Эх сурвалж: