–    Морьтой монголыг мориндоо мордож чадахгүй байгаа мэтээр дэлхийд ойлгуулах нь уу ерөнхийлөгчөө –

Монголчууд биднийг морьтой нь эзэн Чингис хаантай нь дэлхий мэддэг. Тиймээс ч Монгол төрийн тэргүүнүүд үеийн үед моринд эрэмгий зангаа хол ойрын зочин гийчдэд гайхуулан урьсан зочиндоо хүндэтгэлийн бэлгэдэл болгон адууныхаа сорыг хадаг болгон барьдагсан. Зөвхөн төрийн тэргүүн гэлтгүй эгэл ардууд ч улс орныхоо нэрийг дэлхий ертөнцөд таниулсан алдартанууддаа халуун хошуут маллынхаа дээдийг бэлгэлдэг. Монгол хүнийг морьтойгоор нь төсөөлдөг дэлхийн ойлголтыг доорх нэгэн зураг эвдчих вий дээ. Хэдий намхан гэдсээ даахгүй ч юм уу хүнд жинтэй байж болноо эрхэм ерөнхийлөгчөө. Нэгэн удаа Барак Обомагаар нүүрээ таглуулж дэлхийд Монголын ерөнхийлөгчийн нүүр царайг харуулаагүй “өнгөрөө л” биз. Бас дахин гадны сурвалжигчын дуранд морьтон Монголыг ингэж хальсанд мөнхжүүлээд яах нь вэ дээ. Морь унаж хонь хариулж үзээгүй схүн миний Монгол тоотой л байх. Та ч өөрийгөө би Ховд аймгийн харъяат багаасаа мал дагаж өссөн, цэрэгт ч морь мал унаж эдэлж байсан гээд ярьдаг шүү дээ. Дөнгөж тавийн босгоор алхаад удаагүй эрхэм ерөнхийлөгч хөдөөгийн 80 гарсан буурлаас ч дор загнаж унах унаа, эдлэх морин дээрээ хайрцаг тавин барин байж арай ядан мордох ч гэж дээ. Монголчууд бид хэдийнээсээ тэр дундаа өвгөд хөгшид маань морь малдаа мордож чадах тэнхэл муудсан цагтаа чулуун дээр гишгэх аль эсвэл бусдаар хүндэтгүүлэн сугадуулан морддогсон. Арай ч ингэж доошоо орлоо гэхэд дэндүү доошоо орж болохгүй байлтай. Таныг түших хүүхэд олддоггүй юм аа гэхэд хамгаалагч нэртэй хэдэн нөхөд хаа сайгүй л дагаж байдаг шүү дээ.
 Д.Батсүх