“Суруга Монгол” ком­панийн захирал, Япон улсын иргэн, 67 настай Цүнэя­ки Хараг нэр нөлөө бүхий улстөрчид болон бизнесменүүдийн явуулгаар хар тамхины хэрэгт гүтгэн шоронд илгээх гэж байжээ.
Өнгөрсөн оны дөрөвдүгээр сард түүнийг манай улсын хууль хяналтын бай­гуул­лагаас хар тамхи хэрэг­лэсэн гэж саатуулсан. Энэ хэрэг тухайн үедээ нэлээд шуугиан тарьж байсан юм. Болсон  явдлыг тодруулбал, Цүнэяки Хараг Хан-уул дүүр­гийн нутаг дэвсгэрт байрлах “Палас” зочид буу­далд мансууруулах бодис хэрэг­лэсэн байдалтай байхад нь цагдаа нар илрүүлэн саа­туулсан.
Хамгийн гол энэ төрлийн хэргийг нуун дарагдуулдаг байтал олон нийтэд тун сүржнээр тайлбарлан, мэдээлсэн юм. Тухайн үед Цүнэяки Харагаас цусны шинжилгээ авсан бөгөөд хариу нь сөрөг гарсан гэж  хуулийнхан мэдээлж байсан.

Түүнчлэн Нийслэлийн прокурорын газраас Эрүүгийн хуу­лийн 192.3-т зааснаар “мансууруулах буюу сэтгэцэд нөлөөлөх эм, бэлдмэл, бодисыг борлуулах зорилгоор хууль бусаар бэлтгэсэн, олж авсан, хадгалсан, тээвэрлэсэн, ил­гээ­сэн, борлуулсан” гэж бу­руут­ган, эрүүгийн хэрэг үүс­гээд байсан юм.
Энэ хэргийн улмаас “Суруга Монгол” компанийн зүгээс “Япон улсад “Суруга” корпорацийн нэр хүндийг зориудаар унагах ажил явагдаж байгаа нь энд ч мэдрэгдэж эхэллээ. Манай захирал зүгээр л ажлаа хийж байгаа.
Түүнээс гадуур шуугиад байгаа шиг хэрэг тарьж, хоригдсон зүйл байхгүй. Хэн нэгэн хүн захирлын нэр хүндэд  халдаж  байна. Үүнийг олох хэрэгтэй” гэж мэдэгдэж байсан. Гэтэл үүнийг тэр үед тоож анзаа­раагүй. Тэгээд ч компанийн зүгээс хийсэн мэдэгдэл үнэний ортой байж мэдэх хэд, хэдэн үндэслэл бий аж.
Тухайлбал, “Суруга Монгол” компанийн эзэм­шилд  байдаг,  Туул  голын эрэг орчмын газар то­моохон бизнесмэн, улс­төрчдийн хорхойг хэдийнээс хөдөлгөж байжээ. Энэ газарт “Japan Town” хороолол боссон. Хүмүүсийн эрэлт, хэрэгцээнд тун тохирсон, дажгүй, тав тухтай энэ хороолол “Суруга Монгол” компанид ихээхэн ашиг оруулсан.
Үүний дараа энэ компани Богд уулын хормой, Туул голын хөвөөнд “Дөрвөн уулын цэцэрлэг” хороолол босгосон нь улстөрчид, бизнесийн бүлэглэлийнхний эгдүүцлийг хүргэж, атаархлын салхи сэвэлзүүлсэн гэдэг.
Чухам энэ үеэс л “Суруга Монгол”-ын эзэмшлийн газар эрх мэдэлтнүүдийн овоо хараанд өртөж, Цүнэяки Хараг элдвээр оролдон, шоронд илгээх шахсан нь энэ. Харин Цүнэяки Харагийн гэм буруугүйг шүүхээс тогтоосон байдаг.
Хамгийн гол нь “Суруга Монгол”-ын  “ Japan Tawn” төсөл дуусаагүй. “Дөрвөн уулын цэцэрлэг” нэрээр орон сууцны том хороолол босгохоор хөрөнгө оруулалт нь батлагдсан байдаг аж.  Харин дээрх явдлаас болж Япон дахь  “Суруга”  корпораци хөрөнгө оруулалтаа татах байх гэсэн  таамаглал томчуудын дунд хөвөрч явсан гэдэг.
Бидний олж авсан мэдээллээр “Суруга Монгол”-ын “Нархан хотхон”-ы хажууханд байрлах загварын байрны талбайг манай нэр, нөлөө бүхий бизнесмэн авч, барилга босгож байгаа аж. Гэтэл энэ газар “Суруга Монгол”-ын нэр дээр өдгөө ч байсаар байгаа аж.
Гэхдээ япончууд энэ асуудалд анхаарлаа хандуу­лаагүй. Харин Цүнэяки Хараг зочид буудалд байхад цагдаа нар цаг болзсон мэт орж ирсэн, зохиомлоор хэрэг үүсгэсэн зэргийн учрыг олохыг хүсч байгаа гэсэн.
Хамгийн гол нь тэр үед Цүнэяки Харагийн бу­руу­гүй гэдгийг шүүх тог­тоогоогүй бол хам хэрэг­тэн гэж баривчлагдсэн та­ван монгол залууд Эрүү­гийн хуулийн 192.3.5-д заас­наар “урьдчилан үгс­­эн то­хи­ролцсон буюу зохион бай­гуулалттай гэмт бүлэг­лэл” гэх зүйл ангиар хэрэг үүс­гэж, 10-15 жилийн ял сонсгох байсан юм билээ.
“Суруга Монгол”-ыг га­даадын хөрөнгө оруу­лалттай гэдгээр нь “ад үзэж” болох ч эцсийн дүнд газрын наймаа, барилгын салбарын нэр хүнд унахад хамгийн их нөлөө үзүүлсэн нөхөд нь монголчууд гэдгийг хэн ч хэлнэ. Цүнэяки Хараг ялд унагааж, санаархаж байсан газраа авсан бол тэнд орон сууцны хороолол босох байсан нь эргэлзээтэй.
Ямартай ч Хан-Уул дүүргийн шүүхийнхэн хэр­гийн үнэн зөвийг олж түүний буруугүй гэдгийг нотолсонд тус компанийн олон мянган захиалагчид  “биднийг эрсд­лээс аварлаа” хэмээн их л баяртай байсан гэсэн. Тиймээс энэ хэргийн цаана хэн байгаа вэ гэдгийг бид эрэн сурвалжилж, ун­шигчдадаа үнэн зөв мэдээл­лийг хүргэх болно.
Үргэлжлэл бий …

Эх сурвалж: