Харьд бэрлэж, хадмын хаяа түшсэн С.Сэрчмаа төрхмөндөө буцаж ирээд уран бүтээлийн ажилдаа шургуу ороод байгаа. Өөрийнхөө амьдралаар сэдэвлэсэн “Бүсгүй аргамжаа” кино хийсэн нь тун удахгүй дэлгэцэнд цацагдана. Бас хэд хэдэн клип хийлгэж уран бүтээлдээ шуударсан дуучин бүсгүйд экс нөхөр нь хөрөнгө мөнгөний харамгүй туслалцаа үзүүлж байгаа гэдэг. Олон улсын эмэгтэйчүүдийн эрхийг хамгаалах өдөрт зориулан дуучин бүсгүй “Зүүдэнд ирсэн хонгорхон ижий” дуугаа автобусанд дуулж ээжүүддээ мэндчилгээ дэвшүүлсэн нь шинэ содон үйл явдал байв. “Дуучин хүн хаана ч гэсэн дуулах чадвартай байх ёстой” гэж хэлээд автобусанд дуулах саналаас татгалзсангүй. Түүний бас нэгэн мөрөөдөл нь онгоцонд дуулах гэсэн шүү.