“Монгол кино” нэгт­гэлийн захирал Ж.Солонго Монгол Улсын Соёлын тэр­гүүний ажилтан цол тэмд­гээр дөрвөн буурайг шаг­нахаар болжээ. Гэтэл  түүний олгосон СТА цол тэмдэг нь хуурамч байсан гэнэ.

Тодруулбал, сар шинийн баярын өмнө Ж.Солонго захирал тус үйлд­вэрт ажил­ладаг дөрвөн ахмадад “Та бүхнийг  СТА  хэмээх   хүндтэй цол тэмд­гээр шагнахаар болсон. Сар шинийн баяр давхацсан уч­раас  баярын дараа цол тэмдгээ  ССАЖЯ-наас очиж аваарай. Ха­рин би та нарт үнэмлэхийг нь гар­дуулж өгье”  гээд их л ёслол төгөл­дө­рөөр цэнхэр хав­тастай үнэмлэх өгчээ.

Гэтэл түүний өгсөн үнэм­лэх нь төрийн тамга тэмд­гийг дуурайлган хийсэн, хэв­лэсэн цаас, сайдын гарын үсэг, бичиглэл зэрэг нь бүгд хуурамч байжээ. Тэрхүү үнэмлэхийг  ду­гаа­раар нь шүүж үзэхэд өмнөх сай­дын үед ч бүртгэгдээгүй байсан аж.

Дээрх  хуурамч  СТА  цол  тэмдгийн тухай  ССАЖЯ-ны Төрийн захиргаа, удирд­лагын газрын мэргэжилтэн Б.Эрдэнэ­чу­луунаас тодруу­лахад “Өнгөр­сөн баасан гарагт буюу энэ сарын 15-ны өдөр манай яаманд Б.Дэлгэрэх гэдэг хүн шагнал ха­риуцсан мэргэжилтэн дээр СТА-ны  цол тэмдгээ авахаар ирсэн байсан.

Дээрх хүний шагналыг шүүтэл Ц.Оюунгэрэл сай­дын сар шинийн өмнө  олгосон шагнал дотор нэр нь байгаагүй. Ингээд бид Б.Дэлгэрэх  гэдэг хүний үнэм­­лэхийг үзтэл өнгөр­сөн оны  долоодугаар са­рд гарын үсэг зурсан цэнхэр үнэмлэх байсан. Уг нь бол СТА-ны үнэмлэх улаан өнгөтэй бай­даг. Гэтэл энэ нь цэнхэр өнгийнх бай­сан. Тиймээс бид энэ асуудлыг  шалгуулахаар  хууч­­наар БСШУЯ-ны  шаг­­нал хариуцсан мэргэ­жилтэн Наранзул руу албан тоот явуулсан. Уг тоотод “Ё.Отгонбаяр сайдын гарын үсэгтэй үнэм­­лэх мөн эсэхийг шал­гаж өгнө үү” гэсэн хүсэл­т гаргасан. Учир нь Ц.Оюунгэрэл сайд баярын өмнө олон хүнд шагнал гар­дуулсан. Б.Дэлгэрэх гэж хүний нэр бай­гаагүй учраас шалгуулах нь зүйтэй юм байна гэж үзсэн. Тэгээд ч СТА-ны цол тэмдгийг хамтад нь олгодог болохоос салгадаггүй. Бид маш их гайхаж байна. Дээр хэл­сэнч­лэн жинхэнэ үнэмлэх нь улаан өнгөтэй байдаг гэдгийг хүн бүхэн мэдэж байгаа. Гэтэл Ж.Солонго захирлын өгсөн үнэмлэх нь цэнхэр өнгөтэй байгаа учраас бидэнд сэжиг төрөөд байгаа юм.

Ямартай ч энэ асуудлыг БШУЯ руу шилжүүлсэн уч­раас та бүхэн Наранзул гэж мэргэжилтнээс хуурамч үнэм­лэхийн зургийг авч болно. Ер нь Кино үйлдвэрийн за­­хирал Ж.Солонготой хол­боотой таагүй гомдол мэ­дээл­лүүд манайд маш их ирдэг. Тухайлбал, түүнийг ажлаас нь халж өгөөч  гэсэн хүсэлтүүд ч ирдэг. Бидэнд тэр хүнийг ажлаас нь  халах эрх байхгүй.

Манайд зөвхөн Кино үйлдвэр нь л хамаарагддаг. Харин түүнийг халж солих асуудлыг Төрийн өмчийн хороо мэднэ. Хэрэв үнэхээр хуурамчаар тамга тэмдэг үйлдсэн нь тогтоогдвол хуу­лийн байгууллага шалгах байх. Энэ мэт­чилэнгээр га­дуур хэчнээн хуу­рамч СТА хэмээх нэр хүнд­тэй цол тэмдэг бусдын гарт очиж байгааг хэлж мэ­дэх­гүй бай­на” гэв.

Албаны хүний хэлснээр жинхэнэ СТА-ны  үнэмлэх улаан өнгөтэй байдаг аж. Гэ­тэл Ж.Солонго захирлын олгосон үнэмлэх нь цэнхэр өнгөтэй гэж байгаа. Түү­нээс үнэхээр хуурамч үнэм­лэхээр хөгшдөө хуурсан эсэхийг асуухад бидэнд доорх хариултыг өгсөн юм. Тэрбээр “Манайх өнгөр­сөн оны долоодугаар сард 16 ажилтанд  СТА цол олгосон. Бүх зүйл хуулийн хүрээнд явагдсан. Учир нь манайд 30 гаруй жил ажил­ласан олон хүн байдаг. Харин тэрхүү дөрвөн хү­нийг “Жигжид сан” ТББ-аас тодорхойлж өг­сөн юм. Ту­хайн үеийн БСШУЯ ба­талгаажуулж шагнасан.

Түүнээс биш ямар нэгэн хуурамч бичиг баримт ол­гоогүй. Шинэ Засгийн газар гарч, БСШУЯ хоёр салсан шүү дээ.  Энэ талаарх мэдээлэл ССАЖЯ-нд байхгүй байж болох юм. Харин хуучин яаманд СТА цол олгосон ту­­шаал нь бий. Тэгээд ч би сайд асан Ё.Отгонбаярын га­рын үсгийг дуурайж зурах­гүй шүү дээ. Бид зөвхөн хүмүүсээ тодорхойлж өгсөн. Түүнээс биш яам нь хуурамч бичиг баримт өгсөн эсэхийг мэдэхгүй. Үүнийг яамнаас нь асуух хэрэгтэй. Магадгүй хоёр засаг солигдох үед л будлиан гарсан байх гэж бодож байна” гэж ярьсан юм.

Ингээд бид хуучнаар БСШУЯ-ны шагнал ха­риуц­­сан мэргэжилтнээс асуу­­­­хад “ССАЖЯ-наас үнэм­­­­­­лэх жинхэнэ  эсэхийг шал­­­гаж өг­нө үү гэсэн хү­сэлт гаргасан. Тэдний  явуул­­сан    үнэмлэхийг шал­га­тал хуу­рамч болох нь тог­тоогд­сон. Тодруулбал, үнэмлэх дээр байгаа сайд асан Ё.Отгон­баярын гарын үс­­гийг дуу­райлгаж жижгээр бичсэн, мөн  хавтас, үсгийн фонт гээд байж болох бүх зүй­лийг хуурамчаар үйлдэж скайнердсан байна билээ. Ер нь СТА-ны цол тэмдэг хоёулаа байж гэмээ нь хүний гар дээр очно уу гэхээс салдаг түүх байх­гүй шүү дээ. Ямартай ч бид албан тоотын хариуг ССАЖЯ-нд хүргүүлэх болно” гэв.

Албаны хүний хэлж буй үг Ж.Солонго захирлын ярьснаас алд дэлэм зөрж бай­лаа. Түүний хэрээс хэ­тэр­сэн үйлдлийн тухай бид өмнөх дугаарууддаа мэдээлж бай­сан. Харин түүний энэ удаагийн  тарьсан  хэрэг  нэ­лээд ээдрээтэй том асуу­дал дагуулах болол­той. Товч­хондоо Засгийн газ­рын тогтоол шийдвэрээр ол­годог СТА-ны цол тэмдэг, үнэмлэхийг дуртай нэг үйлд­­вэрийн захирал үйлдэж ажилчдаа шагнадаг болжээ. Иймээс түүний хууль бус үйлдлийг хуулийн бай­­­­гууллага шалгаж цол тэмд­­­­гийг хаанаас, хэнээс авс­ныг нь тогтоох,  аль эс­вэл Ж.Солонго захирал бус­дад хууртагдав уу, өөрөө ийм хэрэг сэдэв үү гэдгийг цагдаагийнхан нарийвчлан шалгах нь зүйн хэрэг байх.

Үргэлжлэл бий…

Өглөөний сонин