Дуучин болох хүсэл мөрөөдлөөрөө жигүүрлэн хийж бүтээх урам зоригоор дүүрэн урагшилж яваа залуу уран бүтээлчид болох Д.Найдандорж, Б.Болд, Э.Чулуунчимэг, Н.Мөнгөнцэцэг, В.Нямзагд нарын Гэрэлт ирээдүй нэртэй CD, DVD бүхий double шинэ цомог хэвлэгдэн худалдаанд гарлаа. Тэд урлагийн сургуульд элсэн орсон үеэсээ л тус тусын уран бүтээлээ хийж эхэлсэн бөгөөд сонсогчдод хүрсэн олон олон уран бүтээлийн эзэд юм. Д.Найдандоржийн Эхийн сэтгэл, Сэтгэлийн нандин Э.Чулуунчимэгийн Санаандгүй учирсан дурлал, Чамруу тэмүүлсэн хайр Б.Болдын Ухаан цэцэг 2, Дурлалд яарсаар Н.Мөнгөнцэцэгийн Чин үнэнч, Хүрээ зантай хархүү В.Нямзагдын Намрын бороо гэх зэрэг та бүхний сонорт хүрч буй олон сайхан дуунууд нь клипүүдийн хамт тус цомогт багтсан байна. Нэгэн үеийн залуу дуучиддаа цаашдын уран бүтээлд нь амжилт хүсье.