Шүүхийн шийдвэр гүйцэтгэх ерөнхий газрын Тогтоол гүйцэтгэх газрын дарга П.Хосбаяраас  дараах  зүйлийг тодрууллаа.

-ШШГЕГ-ын 401 дүгээр ангид  өндөржүүлсэн   онц­гой байдал зарласан  гэсэн яриа гадуур гарсан байна. Хэрэв үнэхээр өндөр­жүүл­сэн бэлэн байдал зарласан бол юунаас болсон юм бэ?

-Тийм зүйл байхгүй. Манайх баяр ёслолын үеэр хүчлэн хамгаалалт авдаг юм. Тэрийг л хэлж байгаа байх. Тодорхой хэлбэл, баяр ёслолын үеэр хорих га­зар, хорих ангиудад өндөр­­жүүлсэн хамгаалалт авч, гадны эргэлтийг хяз­гаар­ладаг юм.

-Мөн  МАХН-ын дарга Н.Энхбаяр  танай хорих ангид хоригдож байгаа. Түүнийг өлсгөлөн зарласан гэсэн. Энэ үнэн үү?

-Хэвлэл мэдээллийн хэрэгслээр өлсгөлөн зарласан гэж бичсэн байна билээ. Тийм зүйл болоогүй.

-Түүнийг баривчлагдах үед эхнэр О.Цолмон  нь “Манай нөхөр хоол идэж чадахгүй байгаа. Тусгай хоол иддэг. Хорих газрын хоол идэхгүй” гэж хэлж байсан. Тиймээс тусгай хоол  идэж байгаа гэсэн үг үү?

– Хоригдож байгаа хүнтэй адилхан хоол идэж байгаа. Тэгээд ч түүний хоололт хэ­­вийн Нэг ёсондоо ямар ч дарамт шахалт байхгүй гэсэн үг.

-Өчигдөр Н.Энхбаярын өмгөөлөгч танай байгуул­лагад хандаж хорих газарт эмчилгээг нь үргэлжүүлэх хүсэлт гаргасан. Хүсэлтийг нь хүлээж  авах боломж бий юу?

-Бид Сайд нарын гэгдэх хоёрдугаар эмнэлэгт Н.Энх­баярын эмчилгээг үргэлж­лүүлэх хүсэлт гаргасан. Тэгээд ч манайд эмчилгээгээ хийлгэх бүрэн боломж бий шүү дээ.
Эх сурвалж: “Өглөөний сонин”