ШШГЕГ-ын харьяа 427 дугаар ангид хоригдож буй ”Глоб кредит” хадгаламж зээлийн хоршоог /ХЗХ/-г үүсгэн байгуулагч  Ж.Мэндбаярын гомдлыг буюу дэглэм бууруулах тухай асуудлыг өнөөдөр Улсын Дээд шүүхэд хянан хэлэлцэнэ. Тэрбээр Нийслэлийн прокурын газарт хандан, чанга дэглэмийг нь бууруулж энгийн дэглэмтэй хорих ангид хоригдох буюу дэглэм бууруулах хүсэлтийг хэд хэдэн удаа гаргасан ч Прокурор хүлээж аваагүй юм.

Сонгинохайрхан дүүргийн шүүхээс өнгөрсөн 2007 онд  Ж.Мэндбаярыг нийт 11.1 тэрбум төгрөгийн хохирол учруулсан хэргээр 10 жилийн чанга дэглэмтэй ангид хорих ял оноож байв. Ж.Мэндбаяр өмнө нь  “Надад таван жил хав дарахад харамсалтай төслүүд байна. Ялтнаар ажил хийлгэх хууль байдаг. Учруулсан хохирлоо төлөхийн тулд ямар нэгэн ажил эрхлэх байдлыг шийдэж өгөөч” гэх хүсэлтийг мөн гаргаж байсан юм.