СТА дуучин О.Баянмөнх ирэх арваннэгдүгээр сарын 3-ний билэгт сайн өдөр хуримаа хийхээр болсон тухай эх сурвалж мэдээллээ. Тэрээр дуучин О.Баянмөнх Ховд аймгийн Чандмань сумаас эхнэр авч буй бөгөөд Улсын харцага Содномдоржтой базууд болж байгаа аж.

Дашрамд дуулгахад, дуучин О.Баянмөнх нь нийтийн дууны урлагт арваад жил хөдөлмөрлөсөн. Энэ хугацаанд тэрээр “Хөх монголын хүчтэнүүд”, “Омогшил”нэртэй цомгоо үзэгч сонсогчдын хүртээл болгосон юм. Харин өнгөрсөн гуравдугаар сард “Бид мартахгүй” хэмээх гуравдахь бие даасан тоглолтоо хийх үед нь БСШУЯ-аас “Соёлын тэргүүний ажилтан” цолыг хүртээжээ. Түүнийг СТА цол, тэмдэгийг авахад “өө энэ О.Баянмөнх чинь одоо хүртэл СТА аваагүй байсан юм уу” гэх хүмүүс олон байсан билээ.

Б.Дэжид