Өнгөрсөн пүрэв гаригт алуулсан Муаммар Каддафийн хүү Сейф аль-Ислам амьд бөгөөд Шилжилтийн үндэсний зөвлөлийн хүчинд эсэргүүцэл үзүүлсэн хэвээр байна. Тэрээр Сири улсаас нэвтрүүлгээ цацдаг “Ар-Рай” телевизээр дамжуулан “Бид тэмцлээ үргэлжлүүлнэ. Би амьд, Ливид байна. Эцсээ хүртэл тэмцэж, өшөө авах болно” гэж мэдэгджээ.
Урьд өмнө Сейф аль-Исламын талаар зөөрөөтэй мэдээллүүд цацагдаж байсан. Тухайлбал Сейф Сиртээс зугатаж, Ливийн өмнө зүгт Нигертэй залгаа хэсэгт байгаа ах хурандаа Саади дээр очсон тухай мэдээлж байсан. Шилжилтийн үндэсний зөвлөлөөс Сейфыг баривчилсан тухай мэдээлсэн ч уг мэдээлэл батлагдаагүй юм.