Эцсийн байдлаар тамга тэмдэгээ солилцоогүй ч энэ наймаа нэгэнт тодорхой болжээ. Нэг жилийн өмнө МАН-ын сонгуулийн сурталчилгаанд зориулагдан байгуулагдсан “Шинэ дэлхий” телевиз өдгөө У.Хүрэлсүх эзнийхээ мэдлээс гарч МАК-ийн өв залгамжлагч, Нийгмийн хамгаалал, хөдөлмөрийн дэд сайд Н.Номтойбаярын удирдлагад орохоор болжээ.

Өөрөөр хэлбэл, У.Хүрэлсүх өөрийн байгуулж эзэн суусан телевизээ Н.Номтойбаярт худалдсан гэсэн үг. Н.Номтойбаяр энэ сард өөрийн томилгоогоо хийж, телевизийнхээ бүтэц болон бодлогыг бага зэрэг өөрчлөх ажээ. Энэ талаарх мэдээллээ талууд машид нууцалж байгаа бөгөөд олон нийтэд аль болох мэдэгдэхгүй байхыг хичээж байгаа талаар эх сурвалж өгүүллээ.
С.Арилдий (www.wikimon.mn)