-ТЭРБЭЭР “МОНГОЛЫН ЦАГДАА МИНИЙ ӨМНӨ МӨРДЭСТЭЙГЭЭ БҮЖИГЛЭДЭГ” ГЭЖ  АГСАРСАН ГЭНЭ-

“Сүлд” чуулгын дуу­чин, Монгол Улсын гавьяат жүжигчин Г.Ариун­баатар эмэгтэй хүнийг шалтгаангүйгээр зодож, хүндээр гэмтээ­жээ. Оросын нэрт хөгж­мийн зохиолч М.И.Глин­кийн нэрэмжит олон улсын тэмцээнд тэргүүн байр эзэлж монгол­чуу­дынхаа хүндэтгэл хүлээ­сэн тэрбээр эмэгтэй хүнд эр бяраа гаргасан нь ха­рам­салтай. Гавьяа бай­гуулж олны хүндэтгэл хүлээж явах сайхан. Ха­рин олныхоо хайр, хүн­дэт­гэлийг дааж явах гэдэг том хариуцлага байдгийг залуу гавьяат маань ухаа­раагүй байгаа бололтой. МУГЖ, Цагдаагийн ахлах дэслэгч Г.Ариунбаатар эмэгтэй хүнийг зодож байх­даа “Монголын цаг­даа миний өмнө мөр­дэс­тэйгээ бүжиглэдэг” гэж аархаж байжээ.

Г.Ариунбаатар өнгөр­сөн баасан гаригийн шөнө “Сүлд” караокед наргиж байжээ. Ингэхдээ үл ялих шалтгаанаар нэгэн эмэгтэйтэй мар­галд­сан байна. Улмаар зодож, хүнд гэмтээсэн байна. Хохирогчийн бие хүнд, хэвтэрт байгаа аж. Тэр­бээр нэрээ хэлэхгүй­гээр болсон явдлын та­лаар ярихыг зөвшөөрсөн юм.

–Таны бие гайгүй юу?

-Сайнгүй л байна. Хавирга хугарсан. Хөл гар хөхөрсөн. Хөдөлгөөн хорь­­­сон болохоор эм­чийн хяналтад хэвтэж байна.

–Уучлаарай. Тэр өдөр юу болсон юм бэ?

-Баасан гаригийн үдэш нэг найзтайгаа уул­заж, “Сүлд” караокед сууж байсан юм. Найзууд маань араас ирэх учир­тай байсан болохоор өрөө­ний хаалга түгжээгүй байсан. Гэтэл нэг миний сууж байсан өрөөнд зөв­шөөрөлгүй орж ирээд “00”-ийн өрөө рүү ор­чих­сон. Тэр хүнд хандаж “Энд хүмүүс сууж байхад та яасан соёлгүй юм бэ. Ингэж болохгүй шүү дээ” гэж л хэлсэн. Гэтэл Г.Ариун­баатар гэнэт орж, ирээд бид хоёр руу дайрч эхэлсэн. Үүдэнд бидний яриаг сонсоод зогсч бай­сан бололтой юм билээ.

–Та хоёр танилууд уу?

-Үгүй ээ. Дуурийн дуу­чин, гавьяат жүжигчин, Монголынхоо нэрийг дэл­хийд гаргасан залуу гэж хүндэтгэж явснаас мэнд мэдэж үзээгүй.

–Тэгвэл танихгүй бүс­гүй рүү дайрсан гэсэн үг үү?

-Шууд орж ирээд “Энэ бол миний газар. Яасан ч яадаг юм бэ. Дуртай бол гараад зайлцгаа” гэх мэтээр маш бүдүүлгээр дором­жилсон. Мөнгөө төлөөд үйлчлүүлж бай­гаа учраа хэлсэн ч “Миний газар. Энд би эзэн нь” гэж агсар­саар байсан. Миний хажууд явж байсан хүн хүртэл “Чи ингэж болох­гүй. Бид энд үйлчлүүлж байна” гэж учирласан ч хүн гэж тоогоогүй.

Тухайн үед би буйдан дээр сууж байсан. Тэгтэл Г.Ариунбаатар шууд гараас угз татаад газар унага­чихсан. Маш бохир дэвсгэр дээр унагачихаад газраар чирч эхэлсэн. Чирч байхад ширээний буланг хавиргаараа цохь­сон бололтой. Өв­дөхийн эрхэнд орилж байхад л чирээд байсан. Үнэхээр гаргасан авирыг нь төсөөлж ярьж чадахгүй байна.

–Цагдаа дуудаагүй юм уу?

-102 дугаарын утсанд залгасан ч утсаа авахгүй байсан. Тэгээд ч тийм аймшигтай авирлаж байгаа хүний дэргэд утсаар ярьж зүрхлэх­гүй байсан. Чирүүлчихээд газар хэвтэж байхад хүртэл “Юу гээд муухай хараад байгаа гөлөг вэ” гэх мэтчилэнгээр доромжилсон. Тэгэхээр нь “Би чамайг цагдаад мэдэгдэнэ дээ” гэтэл “Монголын цагдаа миний өмнө мөрдэстэйгээ бүжиглэдэг. Би гавьяатыг гуйж аваагүй” гэж орилж байсан. Монгол Улсын цагдаагийн байгууллагыг доромжилж байгаа хүнд юу хэлэх вэ дээ. Босоход хэцүү байсан ч чимээгүй гараад явсан. Эрэгтэй хүнээр зодуулж, элдвээр зүхүүлж үзээгүй болохоор шоконд орчих­дог юм билээ. Юу ч хэлж, яаж ч чадаагүй. Шууд гэр рүүгээ л явсан.

–Г.Ариунбаатар согтуу байсан уу?

-Мэдээж Монголын цагдааг бүжиглүүлэх талаар ярьж байгаа хүн согтуу байсан биз. Эрүүл байсан бол үйлчлүүлж байгаа танихгүй бүсгүйг бариад зодохгүй байлгүй дээ.

–Баасан гаригийн үдэш болсон гэл үү?

-Шөнө дунд. Намайг зодуулаад гэртээ харихад 03.00 цаг болж байсан.

–Г.Ариунбаатар өөрөөс чинь уучлал гуйсан уу?

-Бид нэгийгээ огт танихгүй гэж хэлсэн шүү дээ. Тэр явдлаас хойш уучлал гуйгаагүй.

–Та цагдаагийн байгууллагад хандсан уу?

-Баянгол дүүргийн цагдаагийн хэлтэст гомдол гаргасан. Шалгаж байгаа. Шүүх эмнэлэгт үзүүлж, гэмтлийн зэргээ тогтоолгосон.

Г.АРИУНБААТАР ГЭЖ ХЭН БЭ?

Төв аймгийн Баянцагаан сумын харьяат тэрбээр 23 насандаа МУГЖ цол тэмдгээр шагнуулсан. Монголын сонгодог урлагийн хөгж­лийг дэлхийн түвшинд харуулж, эх орныхоо нэрийг гаргасных нь төлөө Ерөнхийлөгчийн зарлигаар өнгөрсөн онд МУГЖ цол олгосон билээ.

Цагдаагийн байгууллагад ажил­лах мөрөөдөлтэй тэрбээр СУИС-д сурч байхдаа “Сүлд” чуул­гад орж байсан гэдэг. М.И.Глин­кийн нэрэмжит олон улсын тэм­цээнд тэргүүн байр эзлээд ирэхэд нь ЦЕГ-ын дарга түүнд хугацаа­наас нь өмнө цагдаагийн ахлах дэслэгч цол олгож байсан билээ.

Ц.ӨРНӨХ

medee.mn