С.Жавхлан сайхан дуулахынхаа хажуугаар сүрхий улстөржиж, адаг сүүлдээ монгол дээлээ цэрэг ногооноор халж, авааль гэргий, үр хүүхдээ МАХН-аар сольчихоод л Увс нутгаас УИХ-ын гишүүн болно хэмээн сэрүүн зүүдэлж явсан нь саяхан. Гэсэн ч Увсын ард түмэн түүнийг “дуугаа дуулаад” сайхан амьдар гэдэг даалгавар өгч, гишүүн болгоогүй юм. Тиймээс ч УИХ-ын сонгуулийн дараа тэрбээр улс төр гээчээр С.Жавхлан шиг хүүхэд тоглодог тоглоом биш гэдгийг ойлгон, төөрч будилсан замаасаа гарч, гэртээ харьсан гэсэн. Одоо тэрээр дуулахаас бусад цагаа гэр бүлдээ зарцуулж, “сайн” аавын дүрд орж, сонгуулийн стрессээ нэг мөсөн тайлж байгаа аж. Түүгээр ч зогсохгүй уртын дууч эхнэртээ 13 хүүхэд гаргах үүрэг өгч, өөрөө энэ талынхаа “карьер”-т хөрөнгө хүчээ чиглүүлж байгаа гэнэ.