Авилгалтай тэмцэнэ гэж амласнаа биелүүлж, дорвитой хөдөлж эхэлсэн Ерөнхийлөгч Ц.Элбэгдорж ёстой л “бие жижиг ч, бэлчээр том” гэдгээ харуулж байгаа. Эрхэм Ерөнхийлөгчийн авилгалтай үйлдлийг нэг хэсэг нь сайшаан магтаж байгаа бол нөгөө хэсэг нь хувийн өс хонзон гэж тайлбарлаж буй. Гэвч Ерөнхийлөгч маань өөрөө хэр “тансагладаг” нөхөр вэ. Улсын Ерөнхийлөгчийн сарын цалин нэг сая ч хүрэхгүй. Төрийн тэргүүн гээд унаа хоолноос авахуулаад ойр зуурын үйлчилгээ үнэгүй авдаг биз.

Түүний том хүү Э.Оргил АНУ-аас ирээд одоохондоо ажилгүй байгаа бол удаах хүү Э.Эрдэнээ мөн л АНУ-д биологич мэргэжлээр төгссөн гэнэ лээ.

Хамгийн гайхалтай нь МУ-ын Ерөнхийлөгчийн хүүхдүүд ямар ч хамгаалалтгүй, машин тэрэггүй энд тэнд явж байгаа харагддаг.

Гэвч Ерөнхийлөгч саяхнаас хүү Э.Эрдэнийгээ хотод бол “хогоороо” л байдаг “Verna Accent” –тай болгожээ.

“Verna Accent”  маркийн машин бензин бага иддэг, бас үнэ хямд учраас нийслэлд ихэнхдээ таксинд “давхидаг”.

Харин өмнөх Төрийн тэргүүд хүүхдүүддээ ийм машин унуулъя гэвэл “Арай ч дээ Verna Accent унаж доошоо орохгүй” гэх нь лавтай. Тэр ч бүү хэл Америкийн баячуудын хороололд тансаг хауст “жарган”, эцэгтэйгээ адилхан Төрийн тусгай хамгаалалтад явдаг гэж чих дэлсэж байсан.

Ямартаа ч, Авилгатай тэмцэгч Ерөнхийлөгч маань хэлсэн амандаа хүрдэг, өөрийн үзэл бодолдоо үнэнч нэгэн бололтой.

Б.Дэжид