Манай урлаг спортныхоноос нэлээд хүмүүс ирэх УИХ-ын сонгуулиар улс төр рүү урвахаар нэр дэвшээд байгаа. Тэдний нэг улсын аварга Д.Сумъяабазар. Манай улсын хамгийн их хүн амтай, тодруулбал нийт хүн амын 10 хувь нь оршин суудаг Сонгинохайрхан дүүргээс тэрбээр дөрвөн жилийн өмнө нийслэлийн Иргэдийн төлөөлөгчдийн хурлын төлөөлөгчөөр сонгогдсон нэгэн. Мэдээж албан тушаалын амт мэдэрч, мөнгөний үнэр авсан мань хүн улам л шунана уу гэхээс буцахгүй нь бололтой. Харин аварга маань улстөр гэж чухам юу болох талаар ойлголтгүй нэгэн хэдий ч ихээ том “мөнгөлөг” мөрөөдөл өвөртлөөд Сонгинохайрхан дүүргээр хамхуул мэт дэгдэж явна. Мань эр улс төрч болж амжаагүй байж шинэхэн батлагдсан хуулиа нэр дэвшихээсээ өмнө гууль болгож уландаа гишгэсэн. Аварга Д.Сумъяабазар өнгөрөгч 3-р сарын 1 буюу Эх орончдын өдрөөр Сонгинохайрхан дүүргийнхэн томоохон хэмжээний арга хэмжээ зохион байгуулж үүр болгоноос 20-30 хүнийг нэр цохон цуглуулж Үйлдвэрчний ордонг пэг дүүргэн уламжлал ёсоор шагналын хур буулгахад бүх шагналыг аварга гардуулсан бөгөөд ирсэн бүх зочдод халуун сав бэлгэлсэн аж. Ингээд мянга гаруй сонгогчоо лав халуун саваар дэгээдээд авсан бололтой. Үүгээр ч зогсохгүй нэр дэвших эрхээ өвөртлөв үү? үгүй юу Сонгинохайрхан дүүргийн иргэд рүү өдөр бүр 95953666 гэсэн дугаараас залгаж бөгөөд залгах бүртээ “Та МАН-аас УИХ-д нэр дэвшигч Үйлдвэрлэгчдийн холбооны ерөнхийлөгч Д.Сумъяабазарыг танина биз дээ? Сайн бөх шүү тиймээ? Та дэмжээрэй” хэмээн хэлдэг гэнэ. Яг л бичлэг тавьчихсан юм шиг залгах болгондоо энэ л үгээ тоть мэт давтан өгүүлж өөрийгөө суртчилгаадаж эхэлсэн түүний улс төрийн зам хэр хол явах юм бол доо. 2008 оны сонгуулиар Сонгинынхоны итгэлийг өвөрлөж сонгогдсон сумоч Д.Батбаяр гишүүн энэ жил тус дүүргийнхнийг жинхэнэ мад тавьчихаад бултахдаа -ээ төрсөн нутаг ус минь, төрөлх Ховдын ард түмэн минь гээд нус нулимсаа унаган Ховдын зүг нисэн одсон. Мань Сумьяабазар аварга ч энэ удаа Сонгиноос сонгогдлоо гэхэд 4 жилийн дараагаар хийж бүтээсэн зүйлгүй баахан худлаа амлаад харин халаасаа ахиухан шиг түнтийлгээд Өврийн хангайгаа зүүдлэн сэрлээ гээд зүгээ буруулах нь ойлгомжтой. Улсын аварга Д.Сумьяабазарын энэ мэтийн хууль зөрчсөн, бүтэхгүй үйл ажиллагаа явдлуудыг бид цаашид дэлгэх болно. Учир нь нэгэнт улстөрч болохоор зорьсон л бол Аварга минь!!! бузар булай, хууль зөрчсөн үйлдлүүдээ бүгдийг дэлгүүлж дахиж муу үйлд автахгүй болтол тань цэвэрлэнээ.

www.uls.mn …Үргэлжллэл бий