Жил бүрийн намрын дунд сарын шинийн 17-ны билэгт сайн өдөр гэрлэх ёслолын ордон  хосуудаар дүүрэн байдаг. Энэ өдөр гэрлэх ёслолын ордон дунджаар 100-гаад сая төгрөгийн ашигтай ажилладаг бол үүнээсээ дутахааргүй ашгийг нийтийн дуучид олдог аж. Шинээр гэр бүл  болж буй хосууд нь гэрийн жавараа үргээлгэж  найр наадамаа хөгжөөхөөр дуучдыг урьдаг нь  бичигдээгүй хууль. Тухайн хуриманд ямар дуучин ирсэнээр тэр хурим найрны зиндааг тодорхойлдог. Сонгуулийн сурталчилгаа эхэлсэнтэй холбоотойгоор дуучдын ханш тэнгэрт хадсан. Энэ жилийн сонгуулийн сурталчилгааны хамгийн үнэтэй дуучнаар тодорсон Л.Болдбаатар энэ намрын найр наадмын өнгийг бас тодорхойлсон. Дуучид хоёроос дээшгүй дуу дуулаад нэгээс гурван сая халааслаж  байхад мань эр гурван саяас дээш “биеэ үнэлдэг” ажээ. Тэрээр бас урьсан найр болгонд очоод  байдаггүй. Гавъяатаас өндөр ханштай СТА маань Lexus-ээр “халтуур” хийж, найр наадмын өнгийг тодорхойлохоос ч биш яахав дээ.

Э.Анар NUUTS.MN