Өчигдөр 22.00 цагийн үед экс Ерөнхийлөгч  Н.Энхбаярын бие эрс муудаж ухаан алдсан тухай манай сайт мэдээлсэн. Гэтэл түүнийг өнөөдөр үүрээр Клиникийн хоёрдугаар  эмнэлэгт шилжүүлж эрчимт эмчилгээнд хамруулжээ. ШШГЕГ энэ ажиллагааг нууцалж Н.Энхбаярыг эмнэлэгт авчирсан бүх хүний гар утсыг хураан 14.00 цагаас эмнэлэгт  шилжүүлсэн гэдэг мэдээллийг  эх сурвалж өгч байна.

Тиймээс Клиникийн хоёрдугаар эмнэлгийн гадаа Н.Энхбаярын  эхнэр О.Цолмон эмч нартай уулзахаар иржээ. Түүнээс зарим зүйлийг тодрууллаа.

-Н.Энхбаяр гуайн  бие ямар байна вэ. Өглөө үүрээр эмнэлэгт авчирсан гэсэн мэдээлэл байна. Энэ үнэн үү?
-Би нөхрөө хэзээ эмнэлэгт ирснийг,  бие нь ямар байгааг мэдэхгүй байна. Монголд өнөөдөр эхнэр нь эр нөхрийнхөө биеийг ямар байгааг асуух эрхгүй. Эмч нар нь өвчтөнийхөө тухай гэр бүлийнхэнд нь хэлэх эрхгүй байна. Монголд нацист тогтолцоо тогтож. Хамгийн гол нь хууль хяналтын байгууллагынхан бүх зүйлийг нууцаар хийж байна. Н.Энхбаярыг эмнэлэг рүү шилжүүлэх гэж байгааг надад болон өмгөөлөгчид нь мэдэгдээгүй.

-Та эмч нартай нь уулзсан уу?
-Боломж алга. Биднийг эмнэлэг рүү нэвтрүүлэхгүй байгаа. Мөн эмч нар нь утсаа салгаж.

-Яг одоо ЦЕГ болон ШШГЕГ-аас Н.Энхбаярын асуудлаар мэдээлэл хийж байна. Та тэнд очоод мэдээлэл хийж байгаа хүмүүстэй уулзаж энэ тухай асуувал яасан юм бэ?
-Тэгж болно. Гэхдээ энд хүлээж байгаад эмчлэгч эмч нартай нь уулзмаар байна.

Видеог энд дарж үзнэ үү.