Түүний биеийн байдал маш муу болсон бөгөөд яаралтай эмчилгээ хийлгэхээс аргагүй болоод байгаа учраас түүнийг суллаж байгаа хэмээн эх сурвалж мэдээллээ. Дашрамд дурьдахад, МАХН-ын дарга Н.Энхбаяр хууль бус шийдвэрийг эсэргүүцэн хуурай өлсгөлөн зарласнаас хойш нийтдээ 120 цаг өнгөрөөд байна. Өчигдөр шөнийн 23.30 цагт МАХН-ын гишүүд дэмжигчид Сонсголон дахь Цагдан хорих 461 дүгээр ангийн гадна цуглаж, намын даргынхаа биеийн байдлыг асуухаар цугласан ч “Та бүхэнд мэдээлэл өгөх албагүй. Онцгой обектъ руу дайрч орж ирсэн учраас Баянгол дүүргийн цагдаа дуудна гэх зэргээр хэвлэл мэдээлэл, гишүүд дэмжигчдийг сүрдүүлсэн юм. Дараа нь буюу 01.00 цагийн үед манай сурвалжлах хэсэг Хэлмэгдэгсэдийн хөшөөний дэргэд ирэхэд МАХН-ын Мянгатын дарга З.Баянсэлэнгэ тэргүүтэй 40 гаруй гишүүдийн тодорхой хэсэг нь өлсгөлөн зарлаж хэвтсэн, мөн тэндээ сууж хонох бэлтгэлтэй байсан юм. Гишүүд ямар нэг дуудлага албадлагаар ирээгүй, бид өөрсдөө цугласан гэсэн мэдээлэл өгсөн юм.

Хамгийн сүүлийн мэдээллээр буюу өчигдрийн 18.00 цагийн үед Н.Энхбаяр даргын биеийн байдал маш муу. Хэвтэрт орсон. Зүрхний үйл ажиллагаа хэвийн бус болсон гэсэн мэдээлэл байгаа юм.

MAXH-ын удирдлагууд болон гэр бүлийнхэн нь  Н.Энхбаярыг тосож авч, амьд байгаа эсэхийг нь үзэхээр нэгдсэн хоёрдугаар эмнэлгийн үүдэнд тосож авахаар хүлээж буй аж. Зарим эх сурвалжийн өгүүлж буйгаар 2012-05-09-ний үүрээр Н.Энхбаярын 2-р эмнэлэг рүү шилжүүлж, эрчимт эмчилгээнд хамруулжээ. Энэхүү үйлдлээ нуухын тулд Н.Энхбаярыг зөөж авчирсан бүх хүний гар утсыг хураасан бөгөөд 14 цагаас шилжүүлсэн гэдэг мэдээллийг холбогдох албаныхан ШШГЕГ-аас дамжуулсан явдал болсон байна.