Монголын Рок попын ертөнцийн амьд домог болсон дуучин бол харангын  Лхагваа гэхэд маргах хүн үгүй биз. Түүний хувьд өнгөрсөн хугацаанд олон ч зүйл үзэж, бишгүй л алдаж онож явсан. Харин одоо “тогтуун” амьдрах хэрэгтэй гэдгийг хүлээн зөвшөөрч эхэлсэн бололтой. Тэрээр хаа ч очсон ээжээрээ бахархан ярих дуртай бөгөөд уулзсан бүхэндээ ээжийгээ ярьж суудаг гэнэ лээ. Түүний ээж Д.Дашцэрэн МУ-ын онц холбоочин, радио телевизийн тэргүүний ажилтан, бас шаггүй зохиолч хүн байдаг. Харин тэрээр аавынхаа талаар бараг дурсдаг ч үгүй нь олон хүнийг гайхшруулдаг аж. Түүний аав Р.Хатанбаатар “Андууд” хамтлагийн ахлагч, ард түмний гавьяат, хөгжмийн зохиолч хүн бий. Лхагваа аав, ээжийнхээ салалтад аавыгаа буруутгадаг бөгөөд одоо хэр нь аавыгаа эргэж очдоггүй, бүр утсаар ч ярьдаггүй гэнэ лээ. Түүний энэ занг мэддэг ойр дотныхон нь Лхагвааг хатуу сэтгэлтэй гэж шүүмжилдэг ч тэрээр ээжийг нь хаяад явсан аавыгаа хамгийн хатуу сэтгэлтэй гэж боддог гэдгээ хэнээс ч нуудаггүй гэнэ лээ.

Д.Отгон /www.secret.mn/