“Хаан бууз”-ыг Хятадаас оруулж ирдэг гэж өөрийн Twitter-тээ бичсэнээс болж “Хаан хүнс”-ийн нэр хүндэд халдсан хэрэгт буруутгагдаж байсан “Их хувьсгалч” хүү О.Магнай сүүлийн үед нам жим байна. Тэрбээр 2012 оны сонгуульд нэр дэвшихэд арай балчирдана гэдгээ ойлгосон бололтой. Тэгвэл аугаа их “уран илтгэгч” Ж.Батзандан энэ удаагийн УИХ-ын сонгуульд Баянзүрх дүүрэгт даагаа нэхэх гээд тун чиг завгүй явна. Тэрбээр гудамжинд эс бөгөөс зөвхөн ард түмэнд хандан улс төр хийдэг нэгэн ажээ. Монголын цахилгаан холбоо компанид ажилладаг түүний төрсөн ах нь МАН-ын гишүүн бөгөөд нэгэн найз нь түүнээс ” Ж.Батзандан та хоёр уулзахаараа гэртээ хүртэл улс төрийн хэрүүл хийгээд хэцүү байдаг байх даа” гэж явуултал, ах нь бага зэрэг бодолхийлснээ “Манайх гэртээ ерөөсөө улс төр ярьдаггүй” гэж хэн ч үнэмшмээргүй “шог” хариу барьжээ.
А.Дохио (www.wikimon.mn)