ГОК-ын Ч.Ганзоригийн бэр 
Монголын хамгийн анхны хамгийн том саалийн үнээ “ГОК”-ын захирал ноён Ч.Ганзориг цагтаа Үйлдвэр худалдааны яамыг толгойлж явсан зайтай, зангарагтай улс төрч. Намдуухан, хийгүй гэх үнэлгээг авдаг тэрээр хатуу ширүүн өрсөлдөөн, шаггүй “мотор”-ын хүчээр сэнтийд нь залардаг “Эрдэнэт”-ийн захирлаар суух болсон нь орон зайг нь тодорхойлж байгаа юм. Түүний хүү Г.Тэмүүлэн сүүлийн үед Монголын улс төрд хүч түрэн орж ирж буй “ах” намын лидерүүдийн хүүхдүүдийн нэг. Ер нь 21-р зууны Ардын намыг МАХН-ын гишүүн-хашир улс төрчдийн хүүхдүүд авч явах нь илэрхий тодорхой болчихоод байгааг сүүлийн 2 жилийн үйл явдлууд ийн баталж байна. Өнгөрсөн оны “Алтан сарнай”-гаар гэргий хөтөлсөөр хүрэлцэн ирж хүндтэй суудалд заларсан Г.Тэмүүлэнг Ардын намын залуучуудын байгууллага ч ирээдүйтэй боловсон хүчин гэж үздэгээ бат нот илэрхийлсэн гэж болно. “Эрдэнэс МГЛ” төрийн өмчид компанийн гадаад харилцааны хэлтэсийн даргаар ажиллаж буй залуу лидер Тэмүүлэнгийн гэргий Энхзул хэмээх бүсгүй бий. Хоёр ихэр төрүүлсэн гэгддэг Энхзул бүсгүй манай брэнд хувцасны анхдагч дэлгүүрүүдийн нэг “Ханбүргэдэй” худалдааны төвийн боссын охин. Бүрэгдүү болов уу гэмээр тэрээр хэвлэл мэдээллийнхнээс ихэд жийрхдэг нь нүдэнд содон тусах юм билээ.