Сүүлийн хэдэн жил Монголд орчин үеийн кино эрчимтэйгээр хөгжиж байгаа билээ.

Хайр дурлал, инээдмийн жанар давамгайлж байгаа Монголын кино урлагт түүхэн кино хомсдох болоод нэлээд хугацаа өнгөрч байна. Харин ирэх сарын сүүлээр Монголын эзэнт гүрний тухай “Аравт” хэмээх түүхэн кино үзэгчдийн хүртээл болох нь.

Харамсалтай нь энэхүү кино дан ганц Монгол кино бүтээгчдийн уран бүтээл биш юм байна. Эзэн Чингис хааны цэргийн зохион байгуулалтын талаар өгүүлэх уг киног “Монгол кино” групп болон ӨМӨЗО-ны “Нүүдэл соёл” кино компаниуд хамтран бүтээгээд байгаа юм байна. Монголын кино урлагийн хувьд өөр улстай хамтран кино бүтээнэ гэдэг нэгээхэн дэвшилч нөгөө утгаараа “Хятад”-тай түүхээ хуваалцана гэдэг харамсалтай юм.

Өмнө нь ӨМӨЗОрон “Чингис хаан” нэртэй олон ангит кино хийж олны хүртээл болгож байсан билээ. Эзэн Чингис хаанаараа бахархан өдийг хүрсэн Монголчууд эрт цагийн агуу хааныхаа талаар ганцхан киног гардан хийж чадахгүй байгаа учир юу вэ.

Эх сурвалж: “Нийгмийн толь”