Монголдоо нэр хүнд бүхий бизнесийн байгууллага  болох  “Хаан хүнс” ХХК-н нэр төрд халдах зорилго агуулаагүй гэдгээ юуны өмнө онцлон тэмдэглэх нь зүйтэй болов уу.

1998 оноос үйл ажиллагаа явуулж эхэлсэн  “Хаан хүнс” ХХК урд хөршөөс буузаа оруулж ирдэг гэх мэдээлэл манайд ирлээ.  Тодруулбал  “Хаан хүнс” компани урд хөршөөс тогтмол бууз оруулж ирдэг бөгөөд татвар бага төлөх үүднээс  банш хэмээн гаальд мэдүүлжээ.  Тус компани хамгийн сүүлд  цагаан сараас өмнө 120 тонн буузыг банш нэрээр оруулж ирсэн болох нь тогтоогдсон байна. Энэ талаар эх сурвалжаас тодруулахад  “Манайх зөвхөн жууцайтай баншаа Хятадаас оруулж ирдэг” хэмээн тайлбарласан байна. Харин тус компанийн албан ёсны сайтаар орж үзэхэд  жууцайтай банш байсангүй, мөн нэг ч бараа бүтээгдэхүүний орц найрлагад жууцай гэж байсангүй.

Арай тус компани бүх бүтээгдэхүүнээ урд хөршөөс оруулж ирдэг юм биш байгаа хэмээх хардлага төрөхийн зэрэгцээ хэд хэдэн сэжигтэй зүйл бодогдов.

 Хардлага 1.  Өнөөдөр хонины мах 6400-7000 төгрөг,  үхрийн мах /ястай/ кг нь 8000 төгрөг байгаа.  Бууз хуушууранд хичнээн  мах ордгийг  Монгол түмэн мэднэ.  Харин урдаас оруулж ирэхэд харьцангуй хямд төсөр тусдаг.

Хардлага 2. Мах магнаг болоод байгаа энэ үед бууз баншныхаа хольцонд элдэв  “юм” нэмэх гэхээр Монгол ажилчдын нүдэн дээр асуудалтай тул  “хольцтой” бууз  урдаас оруулж ирдэг .

Хардлага 3.  Өндөг хуурамчаар хийж байгаа хятадууд  юугаар ч бууз хийж мэдэх улс.  Буузыг  хүртэл  кардонон цаасаар хийж  байгаа  Хятадаас  бууз, банш авах уу?

Хятадууд буузанд кардонон цаас хийж байгаа баримтыг ЭНД ДАРЖ үзнэ үү.

А.Баярмаа