“Дижитал” хамтлагийн ахлагч, хип хоп холбооны ерөнхийлөгч Ш.Баавар хар тамхи дамлан худалдаалах гэж байсан, хэрэглэж байсан гэх хэрэгт холбогдоод баривчлагдаад байгаа билээ. Тэрээр Х.Алтай гэх залуутай хамтран урлагийнхандаа хар тамхи борлуулсан байж болзошгүй гэнэ. Учир нь тэднийг саатуулах үеэр тэд нэгэн ресторанд тухлан, шинээр гарч ирж буй болон хип хоп хамтлагийнхантайгаа уулзахаар тохирсон байжээ. Гэтэл тэднийг баривчлах үеэр 70 сая төгрөгний үнэ бүхий хар тамхи болон “мөс” хэмээх тунгалаг мансууруулах бодисыг хураан авсан байна.

Тэрээр ШШЕГ-ын харъяа цагдан хорих 461-р ангид саатуулагдаж байгаа. Баавар анх очихдоо мансуурсан байдалтай байсан бөгөөд хулгай дээрмийн хэргээр шалгагдаж байгаа гурван сэжигтэнтэйнэг өрөөнд оруултал ээлжийн ахлагчид нь ихээхэн томорчээ. “Би ийм лалруудтай нэг камерт орж доош орохгүй,надад тусгай өрөө гаргаж өг” гэх мэтээр агсамнаж дөвчигнөсөн байна. Түүгээр ч барахгүй “Би МАН-ын гишүүн хүн шүү. Би хэрэг хийсэн ч ял авахгүй” гэхчлэн шүлсээ үсчүүлэн орилж байжээ.

www.shock.mn  Д.Цэлмэг