Архангай аймгийн Цэнхэр сумын Орхон багт хууль бусаар алт олборлож байсан аж ахуйн нэгж, иргэдийн үйл ажиллагаанаас болж Орхон гол их хэмжээгээр бохирдон, байгаль орчинд ноцтой хохирол учирсан болохыг мэргэжлийн хяналтын байцаагч нар тогтоосон билээ. Энэ хэрэгт холбогдуулж УМБГ-ын Байгаль хамгаалах журмын эсрэг гэмт хэрэг мөрдөх хэлтсээс “Монгол газар” компанийн Бизнесийн хөгжил хариуцсан дэд захирал У.Даш, “Алтан дорнод Монгол”-ын үйл ажиллагаа эрхэлсэн дэд захирал Ч.Бямба нарт эрүүгийн хэрэг үүсгэн шалгаж байгаа юм. Тэднээс гадна Архангай аймгийн Цэнхэр сумын Засаг дарга, ИТХ-ын дарга нарыг эрүүгийн хэрэгт сэжигтнээр татжээ.

C.Баяр