Хууль зүйн дэд сайд Б.Энхбаяр “Зөрчил шалган шийдвэрлэх хуулийн төслийн талаарх НЭЭЛТТЭЙ ХЭЛЭЛЦҮҮЛЭГ-ийн талаарх зарыг твиттер хуудсаар дамжуулан тараажээ. Тэгсэн Хууль зүйн асан Х.Тэмүүжин түүнд хандан “Монгол Улс хэрэг, маргаан хянан шийдвэрлэх 4 хуультай, Эрүүгийн шүүх 2 процесын хуультай болов оо гэж. Шинэ дугуй зохиочихов уу? Хууль сахиулах ажиллагааны тухай хуулийг байхгүй болгочихсон уу?” хэмээн хариу жиргэжээ. Харин дэд сайд экс сайдад хариу болгож “Тийм нэртэй хуулийн төсөл Та сайд байхдаа өргөн барьж байсныг танай намын Засгийн газар, УИХ байхгүй болгочихсон юм биш үү.” хэмээсэн байх юм. Хууль зүйн салбарын сайд нар ийм будлиу болчихсон юм уу, эсвэл мэдсээр байж мэдэхгүй гэцгээж гэдийцгээж байгаа юм уу. Ямар ч байсан салбарын нөхдүүдийн ийм маягийн хэрүүл нийгэмд тийм ч таатай хүрдэггүй гэдгийг хэлэх нь зөв байх.

Эх сурвалж: Шуурхай.мн