Энэ жилийн “Авъаслаг Монголчууд” шоуны оролцогчид хийгээд зохион байгуулалт, тайз засалт гэх мэт зүйлс өмнөх жилийнхтэй харьцуулбал бүгд илүү их туршлагажиж, чанаржсан гэхэд хилсдэхгүй. Шоуны хоёрдугаар улирлын ялагчийн төлөө өрсөлдөх шилдэг 8 оролцогчийн нэгээр тодорсон “Punk n rap” хамтлагийн гишүүн Б.Шижирбат буюу цахим ертөнцөд CanionShijirbat нэрээр алдаршаад байгаа билээ. График анимешн, бүжгийн урлагийг хослуулж , 9 жилийн туршид эзэмшиж яваа хөдөлмөрч түүний үзүүлбэрийг дэлхий даяар 16 сая орчим хүн үзэж 19 настай, Англи гаралтай Норвегийн алдарт DJ, продюсер Alan Walker  “WOW, amazing show!” хэмээн уулга алдан өөрийн цахим хуудсандаа хуваалцаж байсан нь Монгол түмний бахархлыг төрүүлээд байсан билээ.

Шоуны үр дүн үүгээр дуусалгүй бас нэгэн гайхшралыг төрүүлэв. Нидерландын Бокстел-оос гаралтай, 23 настай Голландын DJ, хөгжмийн продюсер Sammy Renders Sam Feldt нь хөдөлмөрч, шинийг эрэлхийлэгч Б.Шижирбатад хамтран ажиллах саналаа түүний албан ёсны хуудсаар дамжуулан тавьж, өөрийн и-мэйл хаягаа үлдээсэн байна.

“Дэлхийд танигдах Монгол авъяас” хэмээх “нүсэр” уриаг жинхэнэ утгаар нь таниулж яваа хөдөлмөрч шинийг сэтгэгч залуу маань финалын шатанд өрсөлдөх үзүүлбэрээ бэлдээд тун завгүй байгаагаа өөрийн цахим хуудаснаа үзэгч түмэндээ хуваалцсан бол дараа дараачийн баярт мэдээ Монгол түмнийг дахин баярлуулах цаг хугацааг тэвчээртэй хүлээх л үлдлээ.

Эх сурвалж:Шуурхай.мн