Монголын мэргэжлийн сүмочдын салхийг хагалж дээд зиндаанд хамгийн удаан, амжилттай барилдсан Н.Цэвэгням хэдийгээр Японы иргэн болсон ч эх орондоо ирж амрах дуртай. Гэхдээ төрсөн газар Налайх дүүрэгт өөрийн өсөж төрсөн хашаандаа барьсан байшиндаа ирж амардаг аж. Монголчууд түүнийг үнэтэй тансаг харш худалдаж авсан байх гэж боддог гэнэ.

Тэгвэл Н.Цэвэгням өөрийн  өссөн гэр хорооллын хашаандаа хоёр өрөө байшин барьж амралтын маягаар тохижуулжээ. Эх орондоо ирэх бүртээ байшиндаа буудаллаж үр хүүхдүүдээ тоглуулдаг. Энэ байшиндаа ирэхээр нэг сайхан амардаг, хүүхдүүд минь гадаа тоглохоор гарч орохдоо түүртдэггүй амар байдаг юм гэж ярьжээ.  Токио хотын нүсэр чимээ шуугианаас  холдож жижигхэн хашаандаа  ирж амардаг түүнийг Налайхынхан эгэл нэгэн хэмээн хүндэлдэг юм байна.