“Эрдэнэт”-ийн 49 хувийг тойроод маш олон шүүмжлэлтэй асуудал яригдаж байна. Миний хувьд энэ 49 хувийг монгол хүн авсанд хувиасаа маш их баяртай байгаа.

Бид өнөөдөр төсвийн алдагдлыг дахиад яриад сууж байна.

Бидний бодлого яаж ийм ажилсаг хөдөлмөрч 20 Эрдэнэбилэгтэй, MCS-ийн Оджаргал шиг 20 залуутай, “Ажнай”-н Бат-Эрдэнэ шиг 20 залуутай, МАК-ийн Нямтайшир шиг 20 хүнтэй болгох юм гэдэг дээр явах ёстой. Энийг бид бодох ёстой. Бодож олох ёстой. Үүнийг бодож олбол компаниуд ашигтай ажиллана.

Ашигтай ажиллаад эхэлбэл татвар нэмэгдэнэ. Бидний энд ярьж байгаа асуудлууд жижигхэн болж хувирна. Өнөөдөр 100 төгрөг олдог компанийг яаж 1000 төгрөг олдог болгох вэ гэдэг дээр ажилламаар байна. Ингэж хувиргаж чадвал татварыг 40 хувь болгож нэм. Татварын орлого 40 дахин нэмэгдэнэ. Нөгөө талдаа 400 доллараа татварт төлчихсөн компани 600 доллар олж 6.6 дахин ашиг орлоготой ажиллана. Өнөөдөр болж байгаа бүтэж байгаа юмаа нураахын төлөө явж байна.

Болж байгаа бүтэж байгаа юмнаасаа жаахан холуур явмаар байна. Б.Обама “Microsoft бол Америкийн баялаг гэхээсээ илүүтэй Билл Гейтс Америкийн баялаг” гэж хэлсэн. Тэгвэл “Эрдэнэт”-ээс илүү Эрдэнэбилэг нь Монголын баялаг юм гэдэг байдлаар хандаж ажилллах цаг иржээ.

MCS-ээс илүү Оджаргал нь баялаг юм аа гэдгийг ойлгох цаг болсон. Бид ингэж ойлгож бодлого хэрэгжүүлэх цаг иржээ. Сингапурын Ерөнхий сайд топ 10 компанийнхаа ерөнхий захирлуудын дундаж цалинтай адил хэмжээний цалин авдаг гэж сонсч байсан юм. Эдийн засгийн уялдаа холбоо, бүх юмаа сайжруулахгүйгээр байгаа тогоондоо хөлөө жийлцээд бид хол явахгүй.

Тийм учраас 100 доллар олдог компани байвал түүнийг яаж 1000 доллар олдог болгох вэ. Эрдэнэбилэг 500 саяыг босгож чадаж байна. Итгэл өгөөд явуулбал таван тэрбумыг олоод л ирнэ. Оджаргалд итгэл өгөөд явуул. Таван тэрбумыг олоод л ирнэ. Бидний олон асуудпыг бизнес болоод Монголыг авч яваа залуучууд шийдэж чадна.

Тэдэнд итгэл өгөөч ээ.  Болж бүтэж яваа “Эрдэнэт”-тэй битгий зууралд. Гадуур ийм яриа байна. “Эрдэнэт” 100 хувь болох юм бол 100 хувь шахааны бизнес зогсчихлоо гэж байна. 51 хувьд нь шахаа байхгүй болно. 51 хувьд шахаа байхгүйг бид дэмжих хэрэгтэй. Эрдэнэбилэгийг шалгадаг Засгийн газрын олон байгууллага байна.

Тэд нь шалга. Бизнест хамгийн чухал юм бол итгэл, нэр хүнд байдаг. Өнөөдөр бид төрийн индэрт суучихаад энэ компанийнхаа дотор яг юу болоод байгааг мэдэхгүйгээр гутааж нэр хүндийг нь унагаж байгаа бол Монголоо булшилж байгаатай яг адилхан зүйл. Тийм учраас бид компанийг дэмжиж байж татвараа нэмэгдүүлэх олон асуудлыг ярьж цааш нь явуулах нь зүйтэй гэж бодож байна.