Монголын TOP дуучдын нэг бол яахын аргагүй “Харанга” хамтлагийн дуучин Лхагваа гэдэгтэй хэн ч маргахгүй биз. Эр хүн туг ч барьж тугал ч хариулахын үгээр алдаж эндэж өндийсөн дуучин Лхагвасүрэн аав урлагийнхан дундаа бас л нэртэй хүн.

Хүний л эцэг болсон хойно хүүгийнхээ хойноос сэтгэл зовж явдаг бөгөөд хүүгийнхээ талаар янз бүрийн яриа дуулдах бүрд сэтгэл эвгүйцээд хямраад эхэлдэг гэнэ. Хүүгээ “Харанга” хамтлагийн ахлагч Энхманлай, дуучин Чулуунбат хоёрт даалгаж “сайн дуучин болгоод өгөөрэй” гэсэн түүний хүсэлтийг тэд гаргууд сайн биелүүлж өгсөнд үргэлж баярлаж явдаг сурагтай.

Уяхан сэтгэлтэй хүүгээ “Цагаан сар”-аар ирж золговол хөл газар хүрэхгүй баярлаж түүнээс өөр юу ч хүсэхгүй гэдгээ илэрхийлсэн сурагтай. Эхийн санаа үрд үрийн санаа… гэсэн үгийг санахад илүүдэхгүй биз ээ, эрхэм дуучин.

Эх сурвалж: “Улаанбаатар таймс”